Incinerator NO ta e miho opcion, ni den gasto ni den solucion!

 In AVP

Gobierno actual ta haci nan best pa laga pueblo kere cu un incinerator ta e solucion pa e problematica di sushi riba Aruba, ta locual Robert Candelaria a declara. Cu tin un problema di sushi y cu tin cu atende cu esaki, ta algo cu tur hende ta di acuerdo cun’e. Den Parlamento a keda reitera cu e solucion cu e minister a presenta y e proposicion di e gobierno aki, no ta e miho solucion pa Aruba.

Den e argumento tambe a bin dilanti cu idea tras di e incinerator ta pa produci coriente como solucion awo, cu ta bay kima sushi pa genera coriente. Esaki no ta un forma limpi pa traha coriente! Si acaso esaki no ta e prome meta tras di e incinerator pero mas bien pa deshaci di sushi riba nos Isla, tin cu menciona cu despues di kima sushi lo keda sushi atras cu lo tin cu haya otro forma pa deshaci di esaki. E polucion cu e lo crea y cu lo drenta nos medio ambiente, a cambio di e poco coriente cu e ta bay produci, ta algo pa evalua.

Robert Candelaria ta menciona e echo cu un compania local tin e solucion caba y cu lo converti e resto di sushi den “bails” ( sushi comprimi y empaketa ), transportanan pa Colombia caminda cu nan lo uza nan como fuente di energia pa nan planta di cement. Cu esaki ta duna di conoce cu ta papiando di un argumento cu no ta “make sense” . Un comparacion di un par di cien miyon pa genera 5 mega watt di coriente pa un isla cu ta uzando 120/125 mw cu t’ey caba, buscando asina un manera nobo pa traha coriente cu no necesariamente mester di dje. Na Aruba nos tin actualmente energia di solo, biento y e plantanan na W.E.B. 

Parlamentario ta puntra kico lo ta e garantia cu W.E.B. lo cumpra e coriente aki, na ki prijs, con e lo afecta prijs di coriente y awa despues cu lo / of si mester tuma un decision pa bin cu un incinerator. Pregunta sigur importante cu Robert Candelaria a haci ta, ken esaki lo beneficia paso Aruba e no lo beneficia!

Gobierno mas bien kier introduci algo cu lo costa hopi placa, ta bay crea tiki energia, ta bay crea hopi polucion mientras tin un solucion cu no ta costa pueblo nada, cu ta existente cu contractnan firma caba, lo no genera ningun extra sushi paso ta exporta e sushi anto e ora ey un mucha chikito mes por compronde esaki. “Si tin algo cu ta gratis y limpi of algo cu ta carisimo y sushi, no ta mira pakico ta keda pusha pa esun cu ta hopi placa y cu no ta bon pa nos media ambiente, of lo mester tin algo su tras,”ta locual cu Robert Candelaria ta pensa.

E no ta mira dicon ta keda pusha, of mester tin un motibo su tras, pa algo cu ta bay costa pueblo hopi placa direct of indirect den bo recibonan di awa/coriente, e ta bay produci sushi den aire y tambe sushi cu lo mester dera of trata di otro forma y pa un cos cu no mester. Ta pa e motibo aki mes e parlamentario di AVP ta keda cuestiona kico ta e motibo tras di e insistencia di un incinerator.

Robert Candelaria a remarca tambe cu no tabata tin compania cu a inscribi nan mes pa e Bidding di un sistema pa un Incinerator y cu a prolonga e dianan pa wak si ainda lo tin hende interesa. Dicon? Si e no ta na beneficio di pais Aruba economicamente / di nos medio ambiente y e coriente cu e ta bay produci nos tin’e caba. Tambe ta importante pa menciona cu si acaso nos lo bay tin mester di mas energia den futuro, esaki ta algo cu nos tur lo kier wak den un energia limpi “green energy”, dicon gobierno ta keda insisti riba algo cu ta bay genera asina hopi sushi / polucion y e pueblo tin cu bay paga pe tambe. NO ta Logico!

Pa finalisa Robert Candelaria ta bisa cu e solucion cu tin actualmente ta esun di miho, no ta bay costa pueblo nada, no ta bay genera extra problema ni dolor di cabes pa nos media ambiente mientras nos por mira un Dumb na Parkietenbos cu keta bay ta mira huma ta sali for di dje, holo desagradabel y no ta necesario. Den su bista, mester mustra gobierno cu e plan aki no sa ken ta bay sostene y ban busca uno cu realmente ta na beneficio di pais Aruba y no na beneficio di un/ algun hende of grupito.

Recommended Posts
Pregunta?

Manda nos un e-mail of message nos via Facebook. Danki pa e sosten.

Not readable? Change text. captcha txt

Start typing and press Enter to search