fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Incapacidad pa goberna ta pone  Aruba  bay riba ‘blacklist’

Ta bisto for di prome dia caba cu Aruba a haya un gobierno di coalicion cu no tin vision y no tin plan di gobernacion pa e pais y te cu dia di awe, mas c’un aña na poder, ainda pueblo no a wordo informa kico e gobierno aki ta haciendo pa progreso di nos pueblo.

Lider di fraccion diu AVP, Marlon Sneek a mustra cu ta bisto cu progreso cual nos pais a conoce bou gobernacion di AVP, ta stanca  sin sperando algun cu cos lo cambia a corto plazo, pa motibo di incapacidad di un prome minister Evelyne Wever Croes y su gobierno.

“No ta politica esaki ta pero na momento cu Union Europeo  dicidi di pone Aruba riba lista preto pa motibo di no a cumpli di bin cu leynan manera a priminti  na final di 2018, ta bisto cu esaki tin di haber cu incapacidad di un gobierno incapaz.

Figurabo, mientras cu Aruba su nomber a bay negativamente den publicidad rond Europa y rond mundo, Aruba tin un prome minister Evelyne Wever Croes cu ta bin duna declaracion riba e caso di Paul Croes y kico su gobierno ta haciendo pa evita esaki.

E minister di finansa tampoco a bin dilanti pa splica un ke otro ya cu e no ta na Aruba ya cu e ta atrobe den exterior  pero tur e cosnan aki ta normal pa e gobierno aki, ya cu su incapacidad ta cre for di nan curpa.

Ta mesun gobierno aki a firma un protocol na luna di november di 2018 caminda practicamente a anula tur poder di parlamento di Aruba pa atende cu presupuesto manera mester ta pero ningun miembro di e tres fraccionnan cu ta sostene gobierno den parlamento, a lanta para pa bringa pa evita e situacion aki caminda practicamente nan no tin nada di bisa riba puespuesto.

Un prome minister kende tin como cartera maneho di e companianan estatal ta bin dilanti y bisa prensa cu e no ta na altura di retiro di director di un di e companianan aki, ta muestra di un prome minister incapacidad y kende no ta sincero cu su pueblo.

Ta mesun prome minister cu dilanti di misa a tribi di gaña mama di e director aki cu su yiu no mester teme pa su trabou, ta bin resulta cu e yiu ta ricibi un carta di retiro cu firma di e mesun prome minister.

Un prome minister cu su gobierno a ranca caso 270 miyon na medida so den apenas un aña di tempo for di pueblo, awor CAFT kier sa kico nan ta bay haci cu e placa aki ya cu a bin resulta cu no tabata placa pa paga ningun debe.

Sinembargo e mesun prome minister aki no por splica CAFT di con gastonan di personal a sigui aumenta, sigur despues cu el a retira 300 supuesto coordinador di ex Prome Minister Mike Eman pero ora cu mira cuanto famia, di yiu pa ruman, di primo pa ascto primo, di prima pa acto prima, di omo pa tanta, di novio pa novia di famianan, anto por mira di con pueblo tin cu sufri asina hopi pa gabinete Wever Croes haya pa sigui gosa cu amigo y famianan,” Parlamentario Marlon Sneek a declara.