Cu dolor den nos curason, AVP ta anuncia fayecimento di Eric ‘Pachi’ Agunbero

 In AVP

Cuando un amigo se va 
Se queda un árbol caído 
Que ya no vuelve a brotar 
Por que el viento a vencido 

                      Alberto Cortez

Cu dolor den nos curason, Partido di Pueblo AVP ta anuncia fayecimento di 

Eric ‘Pachi’ Agunbero

Eric tabata un palanca di partido AVP. Un baranca fuerte riba cual amigonan di partido por a conta tur momento. Un palo grandi cu tabata duna sombra pa proteha nos. E amigo cu tabata duna su schouder pa consola otronan. Eric e amigo leal y dedica ta laga un bashi grandi serca nos. El a bay laga nos desconsola.

Cas di Partido AVP ta habri su portanan diasabra 9 di maart 2019 for di 2.00pa 4:30 ‘or pa asina Pachi por pasa su ‘cas’ pa ultimo bes pa nos por despedi di dje den forma solemne. 

Partido AVP ta invita su miembronan, amigonan di partido y conocirnan pa hunto nos yama nos bon amigo un ultimo ayo.

Eric, sosega na paz. Nos lo haya Bo falta den tur cos cu nos haci. Na señora, yiunan, nietonan, rumanan y famia di Eric nos sentimientonan di convivencia y sosten, awor y den momentonan dificil sin Eric.

Eric ta keda biba den nos curason pa semper. 

MikeEman
Lider di Partido AVP

Recent Posts
Pregunta?

Manda nos un e-mail of message nos via Facebook. Danki pa e sosten.

Not readable? Change text. captcha txt

Start typing and press Enter to search