Hopi incertidumbre riba refineria y gobierno cu ningun intencion pa habri’e

 In AVP

Dialuna mainta tempran un grupo grandi preocupa cu e situacion riba nos Pais a presenta dilanti porta di CITGO pa asina expresa nan disgusto relaciona cu incertidumbre cu tin den e refineria y kico lo bira su futuro. Parlamentario ing. Mike de Meza tambe tabata presente dialuna mainta na e famoso “Plaza Ora Cero” nombra door di Partido MEP, caminda cu nan a acumula sostenedornan cu promesa cu nan si lo habri e refineria.

Contrario na tur promesa, awe e gobierno di coalicion ta purbando di tur manera pa cera e refineria, incluyendo tur trahado. Ing. Mike de Meza ta siguindo tur desaroyonan hopi di serca y ta duna su opinion. Un tristesa di por mira con keto tur cos, ta y cu nada ta tumando luga ta locual De Meza ta conta.

Na momento cu a sali di gobierno na 2017, aproximadamante 600 tata/mama di famia trahando den e refineria mientras actualmente tin mas o menos 65 hende temiendo pa nan trabou sin seguridad di nada. Para riba miho yama e Plaza di Engaño tin cu recorda cu ta eynan tur e engaña/traicion a tuma luga ora cu partido MEp a yama su sostenedornan cu promesa di haci todo por todo pa tene e refineria den operacion.

Partido MEP ta bay pa historia pa cera e refineria. 

Den cuatro ocacion partido MEP tabata den gobierno na momento cu refineria a cera como tambe ora a cambia di un operador pa otro. Awo pa di cinco biaha ta responsabel pa e ciere y ta bay pa historia como e gobierno cu a percura un biaha mas pa su ciere. Nan no por wanta un operador y no por haya otro tampoco!

Locual e prome minister ta haciendo ta negosha cu CITGO pa cera tur cos na Aruba. Normalmente ta negosha pa haya un operador nobo y/o pa habri e luga no pa cera e refineria. Engañando sostenedonan di tin interes di pueblo / interes di e refineria of di e industria petrolero na pecho mientras nada ta tumando luga.

Mike de Meza ta menciona cu e gobierno actual a dura 18 luna sin kier a papia cu ehecutivonan di Citgo tanto esnan na nos Isla como esnan na Merca. A nenga rotundamente pero awo ta grita como sifuera ta hopi dolor e tin lubidando cu ta pasobra nan como gobierno y/o e como prome minister no a haci su trabou pa cu e situacion di e refineria. No a sinta, no a negosha, no a ni papia / wak kico ta e problema. Un locura na momento cu e menciona Office Foreign Assets Control (OFAC) di Merca, mirando cu ta papia di un embargo riba Venezuela y no di Aruba. Aruba no ta parti di Venezuela. Tumando na cuenta tambe cu CITGO ta funcionando sin problema na Merca, cu turnaround/ refurbishment y operacion di refineria operando normal. Aruba ta parti di e deal cu Citgo di Merca, habriendo asina e pregunta ta dicon CITGO Aruba no ta den operacion/ no ta cumpli cu su deber contractual cu nan tabata tin. Tur esaki debi na e gobierno actual cu a drumi sin haci nada pa falta di capacidad como tambe e engaña cu ta birando mas grandi y ta explota den su cara.

Mike de Meza ta remarca tambe cu no por lubida e dos partner den cualicion, esta partido POR cu semper a vociferando nan desaprobacion pa cu e refineria, como tambe partido RED. No ta un secreto cu e lider di partido POR Otmar Oduber ta contra e refineria, sin descarta e miembronan den parlamento Marisol Lopez Tromp y Allan Howel cu nunca a papia di Refineria. Cu alcontrario semper a duna su opinion cu e refineria unicamente lo ta bon pa engrandece prostitucion y droga na San Nicolas. Na mama / tata honesta cu ta bin labora den refineria ta haya for di un parlamentario cu tin intencion di bira minister ta expresa su mes asina ey mirando cu su pensamento riba e refineria ta prostitucion so e lo trese.

Di otro banda Ricardo Croes ta totalmente contra di petrolio/ refineria como cu su plan ta pa desmantela full e refineria pa asina bin cu un plantacion di hennep / marijuana riba e tereno aki. Cu intencion cu Aruba su secundo pilar den economia y di cual tin cu bay depende di dje lo ta marijuana. Indicando cu tin cu bay stimula e uso di marijuana pa asina fortalese e segundo pilar.

Un coalicion mas bien di locura cu dia pa dia ta birando pio, ta locual cu ing. Mike de Meza a bisa.

Recommended Posts
Pregunta?

Manda nos un e-mail of message nos via Facebook. Danki pa e sosten.

Not readable? Change text. captcha txt

Start typing and press Enter to search