Hopi atencion di prensa pa keynote speech di expromer Minister Mike Eman na Bermuda y Belize

 In AVP

Prensa Caribense a duna hopi atencion an e dos speechnan cu ExPromer Minister Mike Eman a duna na dos conferencia riba energia renobabel, uno na Bermuda y uno na Belize, caminda e tabata invita como keynote speaker.

Tanto medionan di communicacion televise como scirbi a raporta cu hopi interes e mensahe di ExPromer Minister Mike Eman na e conferencistanan no unicamente riba e logronan na Aruba riba e tereno di “green energy”, pero especialmente tambe e proceso cu tin cu encamina. Eman a bisa cu e momento di refleccion riba energia ta tambe un momento husto pa haci un alalysis mas profundo riba e valornan cu ta forma e fundamento di e organisacion, institutonan y metanan cu nos kier alcansa.

Tanto iWitness News, Noticiero di e TV, Caribbean Newsline, Caricom News y otro medionan di communicacion a accentua e mensahe aki di ExPromer Minister Mike Eman. E medionan di communicacion aki a raporta lo siguiente riba e presentacion di Eman.

Tanto na e Energy Summit na Bermuda comoedi seis ‘Caribbean Sustainable Energy Forum’ a start na Belize cu un tremendo discurso di ex Prome Minister di Aruba Mike Eman, cu un yamanda fuerte na e region pa reconoce e preocupacion di stakeholders di e sector di energia no-renobabel den e cambio den energia renobabel.

Eman a urgi e paisnan pa sigura cu cualkier ganashi di e cambio ey mester wordo usa pa mehoracion di e calidad di bida di ciudadanonan. El a bisa e audiencia cu Aruba tabatin desaroyonan impresionante; cambernan di hotel a aumenta di 2 mil pa 8 mil y tabatin un crecemento significante di e GDP y entrada per capita.  Pero, el a subraya cu apesar di ta orguyoso cu e progreso, e ta mira e deficiencianan.

Eman tabata masha cla de su ponencia cu no solamente e isla tabatin mester di hotel di 5 strea, pero tambe scol, bario, salubridad, casnan y un calidad di bida di 5 strea. “Ta e gap aki cu nos ta mira ta crece riba tur e islanan, hasta podise den mundo henter”.

Eman a bisa cu mientras e islanan Caribense ta riba nan jornada pa crea economia nobo, basa riba energia y policy renobabel, nan no mester wak solamente riba oportunidadnan tecnico, pero pensa tambe ‘con baha e prijs di energia, loke ta masha importante.’ Eman: “Aumentanto confiansa pa loke ta energia renobabel, Aruba a reduci e uso di 6 mil bari di petroleo pa dia pa 3 mil cu ta e cantidad necesario di petreoleo importa pa produci energia y awa potabel.

“Laga nos pensa riba e reduccion di gasto aki, refleha y pone e reduccion aki den contexto di e sociedad cu nos kier crea, unda tin prosperidad pa tur y unda por inverti den construi barionanj bon y bunita pa nos hendenan…”.

“Tin asina tanto oportunidadnan recreacional den mundo cu ta haci e diferencia entre esnan cu tin y esnan cu no tin. No tur hende por bay Disney World, pero si bo construi espacionan public bunita, eseynan ta e momentonan mas democratico cu e comunidad por bin hunto y comparti.

“Anto esaki ta e oportunidadnan cu nos ta encontra riba nos jornada di conversion unda nos comunidad no ta depende riba petroleo cu ta caro, pero ta crea un espacio nobo den nos budget, un espacio nobo den e budget di nos utilidadnan cu ta haci esaki posibel.” El a bisa e audiencia cu hopi bes hunta di comisario, conseho di minister y parlamentonan ta discuti e logronan y e metanan relata cu e sector di energia renobabel. “Pero tambe tin preocupacion y nos mester reconoce nan y nos mester pone un coneccion mas cla entre e meta eergetico y e calidad di bida cu nos kier pa nos hendenan.”

Ex Prome Minister di Aruba Mike Eman. (CMC photo)

“Ora nos tira un bita riba turismo, nos tabata tin e pensamento con nos por haci e experiencia di e turista mas agradabel y mas atractivo posibel dor di construi mas hotel bunita. Awendia nos a cambia e motto ey: nos ta bisa cu un lugar bunita pa biba ta un lugar bunita pa bishita. E enfasis ta pa traha un lugar bunita pa tur ciudadano por biba y automaticamente e ta bira un luagr bunita pa hende bishita”.

“Ban hunto riba e biahe di transicion di energia renobabel aki como parti di un concepto mas amplio di un comunidad comprometi pa cambia cosnan cu mester wordo cambia y carga e flambeu aki pa unda cu por tin scuridad nos ta trece claridad  y mira kico e oportunidadan cu cambionan por haci.” Ex Prome Minister Eman a referi na President John F. Kennedy cu a bisa cu prome cu final di añanan 60 Merca lo pone un homber riba luna. “Probablemente e no a bai tras di su conseheronan tecnico pa mira si tabata pridente pa bisa esaki, pero e a pone como un meta grandi cu e confianza cu esaki lo trece hunto hopi energia y creatividad cu lo haci locual parce imposibel posibel.

“Kennedy a sinti cu e mester a haci e compromiso ey, pasobra manera e a expresa, e ta un reto cu nos kier bay p’e, cu nos kier ta parti di dje, un reto cu no kier a pospone, un reto cu e a sinti cu lo trece energia y habilidadnan nobo. Y asina nos mester mira tambe e transicion pa energia renobabel y nos metnan ambicioso pa por alcansa 100% di energia renobabel. Esaki lo crea oportunidadnan nobo pa desaroyo di nos islanan y nos paisnan”, Eman a termina bisando.

 

Recommended Posts
Pregunta?

Manda nos un e-mail of message nos via Facebook. Danki pa e sosten.

Not readable? Change text. captcha txt

Start typing and press Enter to search