fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Gobierno ta keda sin duna claridad y splicacion na Parlamento riba acuerdo cu Hulanda

Mientras cu gobierno ta sigui ricibi ‘ordo’ directo for di CFT y gobierno Hulandes relaciona cu presupuesto  y maneho financiero di pais Aruba, Parlamento ta sigui sin ricibi claridad, informacion of splicacion di gabinete Wever Croes, relaciona cu e protocol cu a wordo firma dos siman pasa cu Hulanda.

Parlamentario Michael Lampe  di fraccion di AVP tea mustra cu no  solamente ta mustra cu gobierno a entrega autonomia financiero pa su period di gobernacion na CFT y Hulanda, Parlamento mes cu tin cu aproba e acuerdo aki, ainda no a ricibi ningun tipo di informacion di gobiero di Aruba.

“Nos ta bayendo pa di dos siman cu Hulanda a pone prome minister Wever Croes y minister di finansa Ruiz Maduro firma un acuerdo pa loke ta e maneho financiero di nos pais, sin cu Parlamento cu ta e organo cu mester controla maneho di gobierno, no ta na altura di kico e acuerdo aki ta of con e ta hinca den otro.

Tur informacion cu tin disponibel aworaki, ta informcion cu a keda publica pa e propio comision di supervision financiero y tur loke e comision aki ta exigiendo di gabinete Wever Croes.

Mientras cu parlamento ta dilanti porta pa trata tanto presupuesto supletorio como presupuesto 2019, ainda no tin claridad riba e rol cu Parlamento lo tin den henter e proceso aki.

Ya caba mirando algun carta cu CFT a dirigi na gobierno di Aruba, tur cos ta indica cu si Parlamento di Aruba trata presupuestonan aki, hasta aprobando esakinan, tur cos ta mustra cu a base di a acuerdo cu prome Minister Evelyne Wever Croes y minister Xiomara Ruiz Maduro a firma cu Hulanda, na final di cuenta ta CFT lo defini si e presupuesto aki ta valido of no.

CFT ta mustra di a haya e poder cu sosten di gabinete Wever Croes, pa no solamente pone e decision di Parlamento un banda y manda e presupuesto bek pa wordo cambia, pero hasta pone e presupuesto cu firma di Gobernador un banda.

Ya caba CFT na momento di mira e concepto di tanto e presupuesto supletorio 2018 a dirigi un carta na gobierno cu nan kier mira cierto cambionan, nan kier mira reduccion pa loke ta gasto di personal cu ainda gobierno no tin nocion con pa haci esaki.

Mientras cu fraccion di AVP den oposicion ta mustra preocupacion pa e desaroyo aki, e tres fraccionnan cu ta sostene gobierno ta duna e impresion cu nan ta aproba e hecho cu gabinete Wever Croes a dicidi di ‘by pass’ nan tur tres y pone henter Parlamento den e caso aki pasa pa ridiculo y sin cu nan tin nocion di kico ta bay ta nan rol pa duracion di gabinete Wever Croes.

Nos por corda cu den pasado na varios ocasion, tanto lider di fraccion di MEP como otro miembronan di e fraccion geel aki, ta sigura pueblo cu nan lo no sostene ningun decision relaciona cu CAFT mas pero awor nan ta para den un situacion caminda practicamente gobierno no solamente a isola nan mes por completo pero a practicamente kita e poder di controla gobierno tambe for di e tras fraccionnan aki.

Aki tambe nos por a nota cu tin un silencio total pa loke ta e desaroyo aki, ya cu na ningun momento a haya un reaccion di e lider di fraccion of cualkier otro miembro cu ta sostene e gobierno aki, riba e acuerdo aki cu prome minister a firma cu Hulanda.

Ningun pregunta a ser haci, tampoco e tres fraccionnan aki a solicita prome minister y minister di finansa pa bin duna informacion na Parlamento y tur esaki ta mustra cu ta gobierno ta defini tur  loke e tras fraccionnan aki tin cu haci den parlamento y kico nan rol mester ta.

A base di tur e desaroyonan aki nos tin cu conclui cu e tres fraccionnan cu ta sostena gobierno ta funciona a base cu ta ser defini pa gobierno loke ta nifica cu  nan mes no tin control riba gobierno pero ta gobierno tin control riba e tres fraccionnan aki,” Parlamentario Michael Lampe a declara.