fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Gobierno ta gasta 80 miyon mas na 2020 compara cu 2017

Durante conferencia di prensa di partido AVP, Parlamentario Richard Arends a reacciona en breve riba Presupuesto 2020 cu ta den man di Parlamento.“E presupuesto aki ta confirma cu gastonan di gobierno a aumenta cu casi 30 miyon di florin y – contrario na loke Gobierno a anuncia – un reduccion di 11 miyon di florin na pagonan di interes, mientras cu ta conta cu casi 90 miyon di florin adicional na entrada compara cu 2019,” Sr. Arends a mustra.

“Si compara e cifranan cu e ultimo presupuesto di Gabinete Mike Eman II na 2017, por a tuma nota di un aumento di 82 miyon di gasto di cual 40 miyon ta solamente pa operacion di gobierno y gastonan di personal y un aumento di 210 miyon florin na entrada danki na e medidanan cu a ser implementa. E presupuesto pa e aña aki tin un suma di 55 miyon na entradanan incidental for di empresanan estatal, concesionan pa plantacion di cannabis y fondonan pa mercadeo di nos turismo sin duna splicashon con lo cubri esakinan e añanan siguiente.”

“Ainda tin 150 miyon florin na entrada cu mester wordo dicidi ainda riba dje y Parlamento no a haya nada ainda encuanto e reforma fiscal. Nos por conclui cu Gobierno lo introduci un BBO di 6% na frontera cu mester bay genera un suma di 36 miyon florin, un aumento di deviezenprovisie di 1.3% pa 1.9% cual lo mester genera 23 miyon di florin. Ambos medida lo causa un perdida di poder di compra pa ciudadanonan y aumenta e gasto di hasi negoshi pa nos empresanan.”

“Ademas di lo ranca 35 miyon di florin for di fondonan di promocion y mercado maneha pa ATA, lo aumenta e toeristenheffing sperando cu esaki lo genera rond di 15 miyon di florin. Gobierno ta opta pa risga nos posicion competitivo sin sa con e epidemia di coronavirus lo afecta nos turismo y consecuentemente nos economia. Manera CAFT a indica den nan conseho inicial, Gobierno ta opta pa sigui ranca placa di pueblo, comercio y awor tambe for di e sector turistico sin una reduccion genuino di su gastonan,” Parlamentario Richard Arends a declara.