Gobierno ta bay sconde BBO

 In AVP

 

Bou di capa di “transparencia” gobierno di MEPORED ta bay SCONDE e suma di BBO cu pueblo tin cu paga riba tur cos cu e cumpra. MEPORED ta bay PROHIBI pa medio di ley cu tur tienda y comerciante pone e BBO riba e recibo di loke pueblo cumpra y paga. E plan aki ta drenta na vigor dia prome di januari 2019 como parti di un pakete di medida y cambio den sistema di belasting. Banda di haya mas placa den caha pa cubri gastonan adicional den aumento di personal y proyectonan nobo, dus nada pa cubri supuesto debenan di AVP, e gobierno aki ta haci uso di tacticanan manipulativo pa sconde nan abuso di aumento di BBO. 

SCONDE Y NO KITA

Den speransa cu pueblo ta bay kere cu ta KITA BBO, gobierno ta prohibi pa ley cu ta pone e suma cu ta paga na BBO riba tur recibo. E BBO cu MEPORED a introduci y subi te na 6%, cu e ley aki ta bira un belasting permanente! Gobierno kier hunga un wega psycologico cu Pueblo. Nan ta pensa cu si pueblo no por wak e belasting, e no sa kico e ta y asina e no ta wak e gravedad di nan abuso. E cambionan cu MEPORED ta trece no ta na beneficio di Pueblo, pasobra ya no lo ta posibel mas pa pueblo wak kico e ta paga na BBO. Pueblo ta paga un suma completo, pero no lo por wak mas kico ta e suma di e producto of servicio y kico ta e suma cu gobierno ta ranca for di su saco na BBO. Pueblo no lo por controla mas tampoco si e BBO a wordo calcula corecto. Asina pueblno por reclama mas tampoco ora un tienda calcula y cobra BBO robez manera ta sosode lamentabelmente hopi. Anto e gobierno cu a introduci BBO, e gobierno cu a gaba cu BBO ta bon, e gobierno cu a aumenta BBO na 6%, awor ta sconde BBO pa pueblo no wak cuanto GOBIERNO ta hisa costo di bida cu e BBO. 

TRANSPARENCIA Y BON GOBERNACION

Ta tristo cu e mes un gobierno cu ta bisa di ta na fabor di transparencia y bon gobernacion, ta sconde informacion importante pa Pueblo door di PROHIBI pa ley pa comercio laga e consumido wak kico e prijs cu e ta paga ta ensera. Awor un comerciante di mala fe por hinca kico e kier den e prijs final. Y ora e consumido reclama e por bisa cu ta BBO, pero e no tin cu mustra e consumido e calculacion. Awor por hunga y sconde e costo real di productonan y di BBO, sin cu e consumido por haya sa. Esaki ta otro prueba di con e gobierno di MEPORED ta hunga cu palabranan di transparencia, integridad y bon gobernacion, pero ta haci net lo contrario!

Recommended Posts
Pregunta?

Manda nos un e-mail of message nos via Facebook. Danki pa e sosten.

Not readable? Change text. captcha txt

Start typing and press Enter to search