Segun sra Arends-Reyes e Centro Multi-Disciplinario tin basta tempo ta pasando den incertidumbre y preocupacion pa nan futuro. Aruba conose un Centro Multi-Disciplinario cu ta brinda servicio na tur skol di Aruba y ta specialisa den brinda ‘early-childhood’ intervention. Centro Multi- Disciplinario of MDC ta canando un caminda di cruz pa mas cu un aña caba y te ainda ta luchando pa keda existi. MDC manera e Centro aki ta conosi pe ta pasando den un mal soño caminda cu basicamente tur e servicionan cu nan ta duna pa test, guia y brinda educacion specialisa na muchanan hoben cu tin un of otro discapacidad a ser decentralisa. Dimes cu tawatin un scarcedad masha grandi na specialista y e tiki nan cu tawatin a dicidi di bai traha otro caminda of a ser tuma ter beschikking un otro caminda. Tur servicio di MDC incluyendo diagnostico por ehempel di dyslexia ta gratuito, e lista ta largo pero ta un necesidad pa skolnan y mayornan pa nan test nan jiu. No ta tur mayor tin 1500 florin pa paga pa test nan jiu na un instituto priva. Un otro di e preocupacionan banda di tur e cuido y guia cu ta ser brinda na MDC pa nos muchanan ta tambe e Teacher’s Care cu enbes di wordo fortifica y promove ayudo gratuito di un psicologo na disponibilidad di nos maestronan den caso cu nan mester, cu pronto si gobierno dicidi otro Teacher’s Care lo pasa pa pasado si laga e unico psicologo bai y no reemplas’e. Esaki sigur lo ta un hecho sumamente lamentable, caminda cu maestronan lo cay back den e sistema di AZV via dokter di cas evaluasi ta referi nan na un pscicologo. Cu ta netamente locual no tawata e meta di Teacher’s Care, e mester tey, wordo promovi y encurasha pa uza su servicio cu ta special pa nos maestronan na momento cu nan ta sinti necesario. Skol apenas a cera pero por ehempel un MDC cu a pidi pa gobierno tin un contesta pa nan prome cu 5 di July 2019 cu a pasa, te ainda gobierno no a sali dilanti cu contesta of decisionan cu tin cu ser prioritisa y tuma urgente pa asina tur e trahadornan di MDC wak ki por spera nan dia 1 di Augustus cu ta nan prome dia back di trabou pa prepara tur cos. E incertidumbre, falta di claridad ta laga un suspenso hopi indeseabel pa mayornan cu tin yiunan cu advies pa observatie centrum, cu ta wardando riba un lugar pa nan jiu, nan no sa cual localidad nan lo ser manda of si nan jiu lo mester bai Dornasol na Burunbundu cu ta full diferente na e meta di un observatie centrum, si e profesionalnan lo tey of ta keda na disposicion di MDC. Parlamento a pidi casi unanimamente cu excepcion di un parlamentario di MEP na April 2018 pa fortifica MDC brinde apoyo y duna nan oportunidad pa contribui positivamente na locual ta nan experticio. Tempo ta coriendo y ta hopi skol, maestro y mayor tin mas pregunta cu contesta y no sa con nan prepara nan comienso di aña escolar nobo 2019-2020 sra Arends-Reyes ta termina bisando.