fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Gobierno no kier informa Parlamento con Hulanda lo tuma over

Parlamentario mr. drs. Arthur Dowers a toca tema di falta di transparencia, cual e fraccion di AVP a constata pa loke ta gobierno. Gobierno ta bisando cu tin un negociacion ta tumando luga entre Aruba y Hulanda. Por a mira cu prome minister a bay Hulanda na momento cu Hulanda a bisa cu ta bin medidanan adicional pa loke ta trata fiamento di placa na pais Aruba. Por a compronde tambe cu Prome Minister di Corsou a dicidi cu e ta bula y esun di Aruba a bula su tras bay.

Informacion cu AVP a ricibi no ta duna e speransa cu berdaderamente tin algo cu contenido a tuma luga. Como kiera por a mira cu e prome minister di Aruba a bay Hulanda. El a bisa cu e tabata tin un combersacion hopi bon y cu e ta bay sigui negosha. Despues di esey a mira cu e negociacion aki no por a tuma luga, si e minister aki a yega Aruba bek diasabra, despues di Rijksministerraad cu tabata diabierna. Por a bin compronde cu e Minister lo a manda un pakete, un contraproposicion di parti di pais Aruba pa Hulanda pa asina ey, mira si Hulanda ta bay di acuerdo cu e ponencianan di Aruba.

Te asina leu, Parlamento, como e organo constitucional mas halto, no a ricibi e rapport aki. Esey ta yega na e conclusion cu e gobierno di Aruba ta mesun cos cu gobierno di Hulanda. Hulanda ta manda cos cu ta secreto y no por atende cu nan. Gobierno di Aruba ta haci mesun cos, teniendo e informacion secreto pa Parlamento y mandando nan Hulanda.

E duda cu tin cerca Dowers, mescos cu otro hende ta si berdaderamente gobierno ta haciendo e intento pa negosha cu Hulanda, of si gobierno simplemente a bay di acuerdo cu e ponencianan di Hulanda caba y awor aki ta djis laga tempo pasa, pa laga e presion subi mas tanto posibel y despues bisa cu no por a haci nada diferente y pesey a entrega.

Loke por a compronde ta cu Hulanda ta malusando e situacion na e momento aki pa bisa cu ta kita tur autonomia for di nos y despues di esey Hulanda ta bay manda riba e paisnan aki pa semper, of lo mester bin den futuro atrobe un movemento y discusionnan profundo pa bay mira con ta bay negosha pa por gana e autonomia bek.

Loke cu mester compronde si, ta cu e modo cu esaki ta wordo hinca den otro, practicamente e ta imposibel pa bo haya autonomia bek. Loke a tuma luga den pasado tabata cu tabata tin bao di e tratadonan internacional y di Nacionnan Uni, derechonan. Awor aki ta mustra como si fuera cu nos mester entrega e derechonan aki libremente Na momento cu haci esey, logicamente e caminda despues di esey, ta uno pa sali for di e constitucion aki, cual ta independencia.

Mester realisa cu esaki ta preparacion di un grupo di politico derechista y tin biaha hasta radical derechista, cu ta forsando un direccion caminda cu ta nifica sea cu bo ta keda pa semper bao di gara di e pais mama of bo ta bay bira independiente. Ta cos cu tin cu tene cuenta cun’e cu e autonomia cu tin awor aki ta wordo entrega. E ta parce algo chikito, pero no ta asina. Si e ta algo chikito, Hulanda no lo haci tanto esfuerso y uza un momento na grens di loke ta moral y eticamente corecto, pa logra esey.

Loke cu Dowers ta lamenta ta cu den henter e proceso aki di coronavirus y e crisis cu a sigui su tras, tur partido tabata sa di uni cu otro y para pa interes di pueblo. Ningun hende na e momentonan aki ta discutiendo cu si Hulanda ta fia placa na Aruba cu ta pone condicion. Tampoco ta discuti si por tin un entidad, mescos cu den pasado, cu ta forma parti di e sistema democractico bao di cual a wordo rigi cu por hasta bisa ki momento e placa ta wordo uza.

Loke si ta den discusion awor aki si bo mester kita e libertad pa mas despues pa bisa cu kier traha un scol na Noord of Santa Cruz of un camina na Shete, etc. Esey ta wordo kita for di bo awor aki. Esey ta di compronde cu no tin sentido pa bo haci’e na e momento aki pasobra no tin ningun nificacion.

A splica den Parlamento cu Hulanda ta forsa Aruba den un direccion caminda cu Hulanda ta tuma over. Hulanda por tuma over ora cu nan forsa Aruba den un posicion cu Aruba no por cumpli cu cierto responsabilidadnan financiero. Nan tin e obligacion na momento cu nan forsa Aruba den un posicion caminda cu Aruba no por cumpli cu su debernan financiero, no por cumpli cu estado di derecho mas, no por garantisa siguridad mas. E ora ey, automaticamente, Hulanda ta esun cu ta tuma over. Sin embargo, na momento cu nan tuma over, esey ta mara na reglanan den statuut.

Esey por wordo getoets tambe door di corte Hulandes. Esey tambe ta mara na cierto cantidad di tempo. Con cu bay bin, na final Hulanda lo tuma over. Pero si Hulanda na e momentonan aki lamentablemente, Gobierno no ta cooperando pa duna Parlamento e informacion ni un bista ta di ki forma Hulanda lo tuma over na final.