Gobierno mester partner-up cu comercio pa por innova!

 In AVP

Diasabra a tuma luga e di 4 edicion di e-Aruba Business Seminar den Renaissance Convention Center. Parlamentario di Fraccion di AVP, mr. drs. Richard Arends a atende y a nota cu e aña aki a enfoca riba topiconan manera Marketing Trends, Social Media, Innovation Digital Marketing, Entrepeneurship y mucho mas. Parlamentario Richard Arends ta aplaudi e  plataformanan aki. For di su inicio, Ministerio di Asuntonan Economico di Gobierno anterior a contribui na e foronan aki. E tin varios aña ta sigui e iniciativanan aki y siguramente e desaroyo di “social media” aki na Aruba. Parlamentario Arends tabata orador invita na 2017 como Minister di Asuntonan Economico. 
Den su punto di bista, esaki ta locual cu bo kier mira: un gobierno cu ta practica innovacion den realidad y tumando pasonan concreti pa hasi e-goverment posible. Pa esaki Gobierno no por hasi’e su so. Ta imperativo pa partner up cu sector priva. Esaki ta escencial pa Bo por tin un economia moderno y sostenibel. Un biaha mas a ser demostra cu tecnologia, IT y innovacion ta e aceleradornan di Bo economia y di crecemento economico.


Parlamentario Richard Arends a nota cu riba nivel mundial di hopi innovacion cu lo wordo introduci e lunanan nos dilanti pa locual ta trata “Social media”, pero tambe otro formanan unda “artificial intelligence” ta bin pa haci bo empresa hopi mas atractivo pero tambe den e forma di comunicacion entre cliente, caminda cu enbes di tin e consumidor na e final di e liña, awo e ta bira e parti central di hacimento di negoshi. 
Innovacion ta bin na momento cu Gobierno y sector priva traha hunto. Esun no por logra sin e otro y esaki ta algo cu sigur mester tene na cuenta. Durante Gabinete Eman a purba duna e prome pasonan pa cu esaki, caminda diferente actividadnan, incuyendo “hackatons” pa e area di caya grandi pero lamentablemente a pone eskianan un banda y ta mira cu e ta bay perdi. No ta desconoci cu un economia di experiencia ta loke ta conta awendia. Gobierno y sector priva mester traha hunto pa exito den economia, asina Richard Arends a bisa na final.

Recommended Posts
Pregunta?

Manda nos un e-mail of message nos via Facebook. Danki pa e sosten.

Not readable? Change text. captcha txt

Start typing and press Enter to search