“Loke sigur a yena nos cu tristeza ta e accionnan cu e gobierno a ta tuma, e escogencianan ta wordo tuma pa sera un scol y habri un dump. Nos por corda MEP di pasado con nan a cera scol di polis, con nan a cera IPA y danki cu AVP a a bin bek na 1986, cu awe nos tin e IPA na San Nicolas pa formacion di nos maestronan y un Scol pa Polis Edgard W Vos.

Awe ta toca turno na Rietveld Adacemie, caminda gobienro ta prefera di huur y traha un dump na Pos Chikito, en bes di paga e huur pa Rietveld Academie, caminda nos hobennan cu tin un otro pensamento, cu kier studia algo diferente, y cu a crea e oportunidad pa nan por prepara nan mes pa nan por ‘stroom door’ facilmente na Hulanda na un academia of ‘hogeschool’ pa studia arte loke nan ta desea di studia, awe ta scucha cu e edificio caminda nan ta, y por cierto huur di e edificio aki ta mas abou  cu esun di e dump na Pos Chikito, awor ta haya carta di gobierno cu lo no paga e huur aki mas.

Aki nos ta mira un gobierno cu tin preoridad nan robes e prioridad di e y gobierno no ta e ser humano e preoridad ta PPP cu ta nifica Proyecto Pa Patrosinador, esunnan cu ta patrocina partido, esunnan cu ta hinca placa den partido, ta esunnan cu ta haya y esey ta cosnan di condena.

Ta laga saca un scol for di un edificio y di otro banda ta bay huur un edificio pa dump ya cu esey ta importante y ta increibel con e minister aki no solamente ta manipula su partnernan den gobierno, pero tambe manipula pueblo.

Si coleganan di gobierno a lesa nan presupuesto bon, e minister aki a haya 10 miyon mas pa Serlimar, e tin placa pa tira’fo, e tin placa manera greis, e no ta bay pa si tin placa of no tin placa, pero ta bay pa e hecho cu a wordo bisa cu tin un crisis financiero pero ta coy 700 mil florin pa gasta den un dump y despues bisa cu nan ta bay haya esaki mas barata cu ta storianan pa cosnan cu no ta necesario.

Ya caba mi a yega di bisa cu nos tin edificio y suficiente tereno na dump caminda si kier haci e actividad aki, nos tin suficiente espacio pa hacie eynan.

Pero minister kier duna un impresion cu esaki no ta un dump, e ta simpel for di e momento cu bo saca algo for di bo cas, pa benta esaki afo, ta sushi e ta y esaki ta bay crea molester pa e pueblo di Pos Chikito.

Minister a trata di suavisa cos cu e tin placa riba prespuesto y cu e no ta bay costa mas, pero claro e ta bay costa mas pasobra presupuesto  di Serlimar ta bay subi y e minister a papia di un crisis financiero pero awor ta bira 700 mil florin den laria manera nada a pasa.

Awe tin un scol manera Rietveld Academie cu a haya e sopresa cu nan tin cu Sali y bay otro caminda pasobra e minister aki a dicidi cu e no ta bay huur e edificio aki mas pero sin tin placa pa pone un dump na Pos Chikito,” Parlamentario Marlon Sneek a mustra.