fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Gobierno cu compania sin ‘businessmodel’  pa refineria y nunca a funciona den indsutria petrolero

Parlamentario pa fraccion di AVP, ing Mike de Meza, a repasa e reunion di dialuna atardi caminda Prome Minister den un ‘bijeenkomst’ a bin duna informacion riba plannan cu tin pa futuro di e refineria.

Hunto c’un comision forma pa gobierno, a bin tuna informacion riba e ultimo desaroyonan relaciona cu e refineria na San Nicolas loke mas tanto a mustra riba un tipo di campaña electoral cu a inicia pa pasrtido MEP siman pasa.

Parlamentario de Meza a mustra cu Prome Minister a papia di ‘request expresion of interest’  di dos compania cu ta interesa den reapertura di e refineria caminda nan dos lo complenta otro den e proyecto aki.

Mike de Meza a sigui mustra cu Prome Minister a papia di un compania cu tin e nomber di Quantum LLC y e otro ta carga nomber di Eagle caminda un ta pa e refineria y e otro ta pa e L&G.

E miembro di fraccion di AVP a sigui mustra cu pa loke ta e compania Quantum LLC, Prome Minister a informa cu e compania aki a busca dos consorcio aki na Aruba pa haci invercion den refineria di San Nicolas.

“Ora cu nos a  bay busca informacion riba e consorcio aki, nos a bin ripara cu esaki ta un consorcio di spirito ya cu e no ta existi caminda por a mira cu e compania aki a lanta un compania na Texas, Merca cinco luna pasa cu yama Quantum Consorcium Aruba Texas.

Investigacionnan haci ta mustra cu e compania aki ta conoci como ‘po-box company’ cu ta un compania cu ta huur un sala den un edificio, caminda tin un serie di companianan registra na mesun adres aki.

Esey caba pa cuminsa, ta mustra cu e cos aki no por ta serio y otro cos ta cu ora scucha e storia di Prome Minister Evelyn Wever Croes y su comision, anto e ora por mira realmente cu e hendenan aki  di berdad no sa di kico nan ta papia.

Nan a bisa cu e refineria lo haya un inversionista  cu ta Quantum LLC cu lo bay inverti 3.5 biyon dollar den dos aña den e refineria di San Nicolas y cu esaki lo contribui grandemente na e GDP, papiando di 9% otro aña y na aña 2022 un 20% y despues di esey 11%, cu lo bay crea 2000 cupo di trabou y cu lo yuda baha prijs di gasolin, awa y coriente na Aruba.

Ora cu fraccion di AVP a haci preguntanan na miembronan di e comision y Prome Minister, ken e compania aki ta y kico ta su ‘core business,’ nos a haya como contesta cu e compania aki ta uno di telecomunicacion, pues specialisando su mes riba e tereno ey, e no un compania di telecomunicacion cu nos conoce manera Setar pero simplemente ta haci algun proyecto pa companianan cu ta den e industria di telecomunicacion y tambe nan ta den e industria electrico caminda nan tin solarparks.

Riba nos pregunta si e compania aki a yega di opera un refineria of ta doñas di un refineria, riba su mes of den un consorcio, e contesta cu nos a haya tabata no y nunca e compania a opera un refineria y nunca tabata doño di un refineria.

Esey mesora ta mustra esnan cu conoce e industria aki cu a storia cu e comision y Prome Minister a bin bende den Parlamento, ta un storia irealistico.

Riba otro preguntanan cu a wordo haci na e comision y Prome Minister, por a conclui cu realmente nan no por a duna informacion concreto ya cu nos tabata kier a sa ta ki tipo di business model e refineria aki lo tin y kico nan ta premira, tambe kico refineria di Aruba mes ta pensa di esaki.

E contesta cu a wordo duna tabata cu nan tampoco a haya e businessmodel di e compania aki anto e ora a lanta e pregunta ta con serio bo por ta anto? Kico ta bay firma c’un compania cu nuna a traha den e industria petrolero, cu nunca tabatin un refineria, nunca tabata parti di un consorcio cu tabatin un refineria .
Pero awor ta bin bisa cu e compania aki ta bay inverti un suma di 3.5 biyon dollar den e refineria di Aruba pero nan no tin un businessmodel pero e ora mesora a core bisa cu awor cu nan firma MOU, nan lo sinta y wak e detayenan di e businessmodel aki.

Pues un compania cu no sa nada di industria di petroleo, cu no tin reservanan di crudo, cu no tin posnan di crudo, no tin un mercado cu cual nan ta bende nan productonan y nunca a produci productonan petrolero, ta bin bende gobierno un storia cu e ta bay inverti 3.5 dollar den refineria di Aruba.

Esaki ta tipo di storianan cu nos ta yama “fly by night” ya cu ta storianan cu ta wordo crea y si bo tin un comision cu realmente sa kico ta trata e industria aki, kico e ta tuma pa inverti den un refineria, kico ta un business model, mesora lo prik dor di esaki y ta pone e hendenan aki un banda,” Parlamentario Mike de Meza a declara.