Gobierno cu a fia 20 miyon mas di loke tabata tin mester

 In AVP

mr. drs. Richard Arends di fraccion di AVP durante conferencia di prensa di diamars mainta, a mustra cu CAFT den su reaccion dirigi na gobierno dia 25 di februari ultimo riba e informe di e ultimo cuartal di aña 2018, ta mustra cu gobierno a fia 20 miyon mas di loke nan a gasta. Segun Parlamentario pa fraccion di AVP, mr. drs. Richard Arends, finanza publico tabata e area cu mas escrutinio y transparencia tabatin den e ultimo 4 añanan caminda Gabinete Mike Eman II a  entrega tres presupuesto, tres presupuesto supletorio, tres cuenta anual y dies ‘uitvoeringsrapportage’  pa dies kwartaal sigui, unda cu  entrada y gastonan  ta wordo analisa cada  kwartaal.  No solamente a cumpli cu e presupuestonan durante nan ehecucion, pero tambe a cumpli cu e parti di ‘duna cuenta’

Hecho cu a fia mas placa cu e gastonan presupuesta ta algo remarcabel pa un presupuesto, sinembargo e ta algo cu fraccion di AVP a bin ta mira caba for di presupuesto supletorio 2017 caba y a publica esaki den su notanan. “Pa presupuesto 2018 Gobierno a fia un suma di 20 miyon adicional, sin cu tabata tin mester. Segun palabracionan hasi na novmber 2018, CAFT ta considera esaki como un ‘meevaller’ y gobierno a palabra cu tur ‘meevaller’ mester bay completamente na reduccion di debe. Den su reaccion publica recientemente, CAFT ta conseha pa dedica e 20 miyon aki na reduccion di debe.

Segun e reaccion di CAFT riba e ultimo informe riba ehecucion di presupuesto 2018, Gobierno a paga un interes di 5.9% compara cu e averahe di 4.2% durante Gobernacion di Gabinete Mike Eman II. “Hecho cu Gobierno a fia di mas na aña 2018 ta di lamenta, ya cu e 20 miyon aki cu a wordo fia na december di 2018 na un interes halto mester wordo aloca completamente ta reduccion di debe cu 20 miyon di un interes mas abou. Ta un suma existente di 20 miyon di florin cu Gobierno a paga 4.2% p’e, mester wordo paga cu otro 20 miyon cu Gobierno a paga 5.9% sin cu e institucion financiero of inversionista ta pidiendo esaki, pero simplemente a base di palabracion nan hasi,” Sr. Arends a splika extensivamente.

E hecho aki ta mustra tambe cu na momento cu gobierno no tin un maneho financiero conherente, ni tampoco un maneho economico y mandatationan ta sali expresa cu tin un crisis tur caminda, cu Aruba lo wordo gedowngrade of lo bay bancarota y lo no por paga su debenan, ta crea un situacion confuso y nerviosismo den e mundo financiero. “Apesar cu expresionan asina ta wordo haci pa consumo local,  e tin consecuencianan serio den sector financiero local, como tambe riba mercado internacional. Resultado di esaki ta interes eleva na momento cu gobierno kier haci fiansa y esaki ta loke a sosode tambe cu tasanan di interes substancialmente mas halto”

Recommended Posts
Pregunta?

Manda nos un e-mail of message nos via Facebook. Danki pa e sosten.

Not readable? Change text. captcha txt

Start typing and press Enter to search