Gobierno anterior a haci cambio den ley pa hisa castigo maximo!

 In AVP

Ta reinando un situacion preocupante y hasta alarmante pa cu casonan di abuso sexual di mucha tumando luga riba nos isla. A tuma nota cu mas y mas caso ta bin dilanti cual tin e Parlamentario di fraccion di AVP, drs. Mervin Wyatt-Ras su debido atencion. Informacion cu a ricibi for di Polis cu a registra 33 caso e aña aki caba, teniendo na cuenta cu ainda tin victimanan cu no ta bin dilanti pa pone un denuncia, cu por hisa e cifra aki ainda mas!

Mervin Wyatt Ras ta indica cu comunidad ta siguiendo e casonan aki hopi di cerca, e indignacion ta grandi y tur hende ta preocupa kico ta locual ta bay haci pa frena e actonan aki di tuma luga. Algun di e casonan cu a bin dilanti entre otro, Futbolistanan conoci di SV Estrella Veterano deteni pa abuso sexual di un menor, un di nan so a declara y haci su mes culpabel di e acto mientras a detene cuater, e periodista Elvis Weert caminda e victima a declara cu e la agredi / corta su persona y abusa di su dos yiunan, Chauffeur di Autobus laga den libertad pa falta di prueba mientras lamentablemente Tata di e victima a comete suicidio a consecuencia di e inhusticia cometi cu su yiu, mientras e malhechor ta den liberdad. Tin otro caso caminda un amigo di cas a viola un mucha di 12 aña na Hooiberg, famia ta presenta cu prueba manera sanger riba cama pa asina bay cu nan autoridad. Welo ta viola su mesun nieta na cas algo sumamente hororoso pa tende den comunidad. Omo a viola subrino di 3 aña na Mabon, Cantante cera pa motibo di tene relacion cu menor di edad. Sin lubida e casonan mas recien na scol Ibero caminda un hoben a bira victima di un persona encarga cu IT y e hoben di 24 aña abusa dor di su enamorado y su tata caminda famia di e victima a tuma ley den su man, asesinando un di e agresornan. Pero asina por menciona hopi mas!

Tin cu recorda e Minister di Husticia actual Bikker cu su maneho ta esun responsabel di a laga varios pedofil den libertad. Pueblo a keda den “Shock” na momento cu e Minister aki a firma libertad, te cu awo un total di seis pedofil, prome cu nan tempo. No solamente cu comunidad ta testigo di e castigonan abou cu e abusadonan aki ta ricibi, pero tambe con nan ta bay den libertad prome cu tempo sin tene cuenta na prome instante cu e victima. Parlamentario Wyatt Ras ta bisa, cu e victimanan aki ta bay den panico y intrankilidad cada biaha cu tende cu e malechornan aki ta den libertad caba. Cada victima ta un poco mas sigur mientras cu e abusado ta tras di trali, cada famia ta pidi pa mas castigo, pero lastima cu no ta asina y peor ainda e Minister ta firma pa laga nan sali mas tempran cu nan tempo di castigo.

Comunidad ta preocupa y muestra di esey ta locual a caba di tuma luga, caminda a tuma ley den man, esaki ta e gritonan cu ta bin ta tende den pueblo expresando nan preocupacion pasobra nada ta wordo haci. 

Parlamentario Mervin Wyatt-Ras sigur preocupa cu hende ta tuma ley den nan mesun man, mas ainda saliendo na defensa di ser keri, pero teniendo den mente cu tin chens cu e Tata aki lo por ricibi mas castigo cu e malhechor mes cu a abusa di e victima.

Parlamentario Wyatt Ras ta enfatisa cu Gobierno di AVP a cambia varios ley pa cu abuso di mucha, cambio den castigo maximo a tuma luga y e castigo aki a bira mas, pero e leynan aki nan no ta aplica nan. 

Huesnan di nan banda no ta duna e castigonan aki, manera un castigo maximo di 12 aña, nan no ta aplik’e, contrario ta un of 2 aña di castigo nos por mira y/o esnan mas absurdo di algun luna di castigo y riba dje condicional. Dado momento bo ta ripara cu e comunidad no ta tuma esakinan na serio mas. Importante pa por mira e castigonan aki bira severo y manera ta di spera riba peticion di e pueblo cu ta sclamando pa husticia, Mervin Wyatt Ras ta bisa na final.

Recommended Posts
Pregunta?

Manda nos un e-mail of message nos via Facebook. Danki pa e sosten.

Not readable? Change text. captcha txt

Start typing and press Enter to search