Gobierno a usa Parlamento pa desvia atencion pa medidanan na caminda

 In AVP

Ya mas cu mitar di luna di februari ta tras di lomba y ainda Parlamento no a haya e leynan di e reforma fiscal ni tampoco presupuesto 2020. Ta for di prensa miembronan di Parlamento a compronde cu esakinan lo wordo trata den luna di maart. Mientrastanto pueblo y comercio ta sigui den un incertidumbre riba loke ta speranan pa resto di aña. “Sinembargo enbes cu Gobierno bin duna splicacion e embergadura di e 13 leynan cu mester wordo cambia bou capa di reforma fiscal, Parlamento a opta pa yama un reunion riba rapportnan cu ta dos aña caba den lachi di Parlamento sin a invita Algemene Rekenkamer – e autor di e estudionan aki – pa bin duna un splicacion riba nan. 

Rekenkamer a conclui cu e suministro y maneho di contrato nan pa loke ta trata e proyectonan PPP tabata na ordo, mientras cu e actual minister encarga cu Finanzas a nenga di duna su comentario riba dje. “Pa loke ta trata e proyectonan aki, Gobierno anterior a wordo guia den e proceso aki door di Rijkswaterstaat di Hulanda y PriceWaterhouse Coopers cu a lider e transaccion nan aki,” Parlamentario Arends a mustra. Sr. Arends ta sigui bisa cu proyectonan aki ta wordo financia internacionalmente, pues argumentonan treci dilanti pa partidonan den coalicion ta totalmente infunda. “Nacionan Uni a hasta establece un Centre of Excellence akinan na Aruba cu lo a exporta e formula aki pa otro islanan chikito y den desaroyo. E sistema unda un consorcio ta diseña, financia, construi, maneha, opera y mantene a prueba di ta e mihor manera pa paisnan y islanan chikito logra proyectonan grandi riba tereno di infrastructura y desaroyo urbano.”

Pa loke ta trata e proyectonan investiga den e rapport di BoAruba, por bisa cu mayoria di nan tabata ta como ‘prefunded’, es decir, cu tabata tin fondonan disponible pa nan di antemano. “E proyectonan aki a wordo cubri door di presupuesto, TPEF y FDA unda hunto cu Hulanda a re-aloca 200 miyon di florin pa revitalisacion di nos centro di ciudad. Ambos proeyctonan tabata forma parti di e Plan di Inversion di Gabinetenan Mike Eman cu fin di crea cupo di trabow, mehora calidad di nos infrastructura y ciudadnan y tambe jumpstart nos economia despues di e recession cu a dura te 2010.

Segun Parlamentario Arends, e dos rapportnan cu tabata al caso pa atende tabata esun di maneho di subsidio y esun di overtime. E recomendacionan di Rekenkamer lo contirbui di manera structural pa aumenta eficiencia y reduci gastonan di aparato gubernamental.  Tanto CAFT (oktober 2019), IMF (november 2019) y Rekenkamer (januari 2020) a saca nan conclusionan riba e causanan di overtime den Gobierno y con pa contra-aresta esaki. “Te dia di awe no a splica kico lo haci pa reduci esaki di un manera structural.”

Parlamentario Arends ta conclui bisando cu no tabata mucho cla kico meta di e reunion di siman pasa tabata y unico splicacion tabata cu esaki tabata un reunion meramente politico unda esunnan cu ta den gobierno awor tira tur culpa riba Gobierno anterior pa nan falta di conocemento y capacidad di goberna y hiba un maneho coherente.

Recommended Posts
Pregunta?

Manda nos un e-mail of message nos via Facebook. Danki pa e sosten.

Not readable? Change text. captcha txt

Start typing and press Enter to search