Den un evento sumamente exitoso, a yega hunto varios hoben Politico pa asina duna sosten na e iniciativa di e Plataforma Hobennan Profesional cu organicacion di Lecturanan designa na Hoben Politiconan di Futuro. Entra nan nos a combersa cu Gerlien Croes, di Partido AVP, cu sigur ta un Politico hoben cu sosten grandi den comunidad. Gerlien ta conta cu e ta contento y orguyoso principamente di e grupo aki di Plataforma Hobennan Profesional cu hopi recien, proactivamente , ta tuma e tipo di pasonan aki y bisa cu nan kier significa algo pa Politica na Aruba. “Leadership as a young Politician” ta locual principalmente tabata topico cu nan a presenta. 

• 

• 

• 

• 

• 

• 

• 

• 

• 

• 

Como Hoben, aki ta cuminsa e durf di por expresa nan mes, di yama hunto y brainstorm y papia riba topiconan cu ta sumamente importante pa comunidad, pa nos hobennan pero tambe pa e fututo di Politica. Mirando e acogida y cuanto hende tabata tin presente, por bisa cu e Cultura y e Comunidad ta sinti cu nan mester di e Hobennan den Politica na Aruba. 

No solamente pa Gerlien pero pa tur hoben, esnan cu tin e interes, esnan cu tin biaha tin duda of miedo di expresa nan mes, duna opinion den un comunidad cu ta bisa di ta completamente polarisa cu e tema di Politica cu nos tur ta biba den dje, pero awo akinan como Hoben politico bo ta sinti e sosten y un empuhe, y ta mira e hobennan ta “rising up” caminda nan kier expresa nan mes. Hobennan kier forma parti pa loke ta pensamento di futuro y esey ta sumamente importante y ta haci ami como hoben Politico hopi orguyoso pa sa cu tin mas ta pensa serca di e linja cu ami ta pensa den dje. Gerlien ta finalisa bisando cu e ta spera cu e keda asina paso Aruba meresi lo miho.