Gabinete Wever-Croes responsabel pa empobrecimento systematico

 In AVP

“Si den un aña di tempo e gastonan basico pa luna pa sobrebibi, di un persona cu salario minimo, pensioen of bijstand subi cu 300,== florin sin cu su entrada a conoce ningun aumento bo ta creando un pobresa systematico den nos pueblo. E gasto extra aki di 300,== florin ta bira 3600,== florin den un anja. Un suma grandi na gasto extra cu e persona ey no tin. Esey ta locual Gabinete Wever Croes ta hacienda cu Aruba”, esaki ta locual lider di AVP, exPromer Minister Mike Eman a analysa for di cifranan mas reciente di CBS.

E ulimo cifra di CBS ta mustra kico un (1) persona mester pa sobrebibi (Subsistance Level) of cuater (4) persona, dos (2) adulto y dos (2) jiu. Pa un persona e gastonan a subi cu Afl. 300,= pa luna, Afl. 3600,== pa anja. Pa cuater (4) persona e gastonan a subi cu Afl. 600,= pa luna, Afl. 7200 pa anja compara cu e cifranan di December 2017. Es decir un aumento dramatico entre December 2017 y Augustus 2019. Esaki ta e sufrimento cu Pueblo ta sintiendo. 

CBS ta midi e “bestaansminimum” of “subsistence level” a base di un pakete basico di consumo pa por sobrebibi. Literatura ta mustra con basico e nivel aki di entrada ta. “Definition of subsistence level: a level of income that provides only enough money for basic needs. Subsistence minimum is a socially recognised minimum level of income of a natural person; any person whose income is below this level is considered to be in material need”.

Na Aruba 60% di nos ciudadanonan tin un entrada bao di 2500,== florin pa luna. Esey ta haci e grupo aki hopi vulnerabel. Pesey semper den gobierno di AVP a proteha e grupo aki for di efectonan di medida of cualkier ahuste di prima of impuesto. Semper AVP a busca pa fortifica e posicion di esnan mas vunerabel den nos comunidad cu redoblacion di pensioen di vehez, aumento di salario minimo, aumento di bijstand, introduccion di schoolkinderentoeslag, introduccion di reparatietoeslag pa pensionadonan y esnan den sector priva te cu 2500,== florin pa luna. E sumanan nominal di indexering cu gobierno di AVP a duna concecutivamente tambe tabata sigur un aporte grandi pa esnan di menos entrada den servicio publico.

Awor den menos cu dos anja e gobernacion di Wever-Croes ta masacrando e poder di compra di nos pueblo y esnan mas margina ta sufriendo mas. Si un parti grandi di nos pueblo cai awor bao di “bestaansminimum” of “subsistence level” esey kiermen cu Aruba awor ta drentando den rango di paisnan caminda pobresa y deteoro social ta bira systematico y structural. “The concept of general poverty implies the absence of minimum subsistence or the absence of sufficient income to buy the basic necessities of life such as food, shelter, and clothing”.

E situacion aki ta e penoso realidad cu Gabinete Wever-Croes a hinca nos pueblo aden sin ningun compasion den menos di dos anja. Mientras pueblo ta bira mas pober nan amigonan y familiarnan ta enriquece nan mes cu e mesun medidanan di impuesto cu esnan di menos recurso den nos Pais mester paga. CAFT a bisa cu e gobierno actual a subi nan gastonan cu mas di 100 miyon florin. Un inhusticia social inacceptabel, e lider di AVP y exPromer Minister Mike Eman a expresa cu hopi lamento. 

Recommended Posts
Pregunta?

Manda nos un e-mail of message nos via Facebook. Danki pa e sosten.

Not readable? Change text. captcha txt

Start typing and press Enter to search