fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Gabinete Wever Croes a ehecuta ‘draaiboek’ di mentira contra pueblo den tres aña

Lider di MEP a yama un conferencia di prensa recientemente y ora cu pueblo a kere cu e lo anuncia decisionnan di su gobierno pa alivia e situacion penoso di nos pueblo, a bin resulta cu Evelyn Wever Croes a duna pueblo e mensahe cu campaña electoral a cuminsa pa su Partido.

Benny Sevinger  miembro di fraccion di AVP a mustra durante conferencia di prensa, cu na momento cu pueblo a kere cu Prome Minister lo bin anuncia cu cos lo bay drecha, presenta un plan economico, un plan caminda pueblo lo bay dilanti, cu Pasco lo bay ta miho tog e aña aki pero simplemente e mensahe tabata cu partido MEP a start su campaña electoral.

Parlamentario Benny Sevinger no por kere cu den e temponan dificil MEP ta yama un conferencia di prensa pa anuncia cu campaña a cuminsa. E no ta agradabel pasobra ora cu nan cana den comunidad pa scucha “ta kico e hendenan aki ta bay gaña nos un biaha mas den e proximo eleccion”.

Sevinger a repasa tur e promesanan cu e partido geel y su lider Evelyn Wever Croes a priminti pueblo pa yega den gobierno y despues no cumpli.

“Nada di e promesanan a wordo realisa,”, el a bisa. Pa refresca nan memoria a bisa cu a coy e draaiboek di 4 aña pasa. A papia cu ta spaar 17 miyon florin dor di baha e cantidad di ministernan di 9 pa 7, sinembargo nan a drenta gobierno cu 8 minister, mas un cantidad di ex minister como consehero cu ta yega na 14 minister. E promesa principal di baha e gastonan aki por medio di esaki, no a hacie. 

A bisa cu lo baha coordinadonan pa spaar 24 miyon florin pero coordinadonan a redobla den e gobiernonan y awo a cuminsa nombra coordinadonan den AZV. DPO ta man yen pa traha riba tur e Landsbesluitnan.

A redobla coordinadonan y kico ta bay bisa e pueblo den eleccion.”

A bisa cu lo baha gasto di biahamento, fiestamento y propaganda cu lo spaar 9 miyon florin.”  Den e prome aña, segun Sevinger, tur a biaha, pues a gasta 6.4 miyon pa un total den 812 dia di biahe den e prome aña. Den e tres cosnan aki nan lo a spaar 50 miyon. Kico nan lo bay bisa awo, Sevinger ta puntra su mes. 

Pa loke ta finanza publico y debe di Aruba, lo a atende e problema di Aruba sin medida, a campaña y snembargo loke cu nan a haci ta aumenta BBO, aumenta prijs di gasolin, awa y coriente, aumenta costo di bida. “Nan no a yam’e medida.”

“A bisa cu lo baha gasto di 600 mil florin di interes pa dia y awe nos interes a pasa algo mas di 1.1 miyon florin pa dia. A bisa cu ta fiha prioridadnan diferente pero no a fiha ningun prioridad, corda diferente.

Duna autoridad y control riba finansa bek na man di departamento y institutonan financiero pero awe e confiansa aki a wordo honra cu dos Rijkswet. Hulanda a tuma over, a entrega Aruba su autonomia y a haya dos Rijkswet. 

Stimula crecemento economico nan a bisa cu lo haci, pero awe crecemento economico a perde balor di mas cu 50% y unico cos cu nan a haci ta lanta un compania cu yama FUTURA y a hinca primo y primanan, y demas famia den dje y pueblo ta esun cu ta paga. Nan ta supuesto duna conseho gobierno.

Nan promesa di cobramento di belasting na un forma husto, e pueblo no ta sintie, al contrario ta cobra belasting na cantidad y pueblo no tin forma di paga esaki. 

A bisa cu lo cuida di pensionadonan, un cuido digno y miho cuido di salud y baha edad di pensioen na 62 aña. “Awe edad di pensioen ta poni riba mesa pa yega na 68 aña, esaki ta promesanan di campaña di MEP,” Parlamentario Benny Sevinger a trece dilanti.