fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Fraccion di MEP ta preparando pueblo pa ‘tempo menos favorabel’ Ocasiona pa Gabinete Wever Croes

Mientras cu e impacto di e pakete di medida introduci pa gabinete Wever Croes ta ser sinti den tur skina di Aruba, ya caba gobierno a ordena su marionetanan pa cuminsa prepara pueblo pa mas medida.

Miembro di partido AVP, sr Melvin Tromp ta mustra cu sigur ora cu miembronan di e fraccion di mas grandi den parlamento di MEP, ta  bin informa pueblo cu “temponan menos favorabel ta nos dilanti” confirmando asina cu e dolor cu gobierno MEPPORRED ta ocasionando pueblo, ainda no a caba y cu tin mas na caminda.

“No solamente esaki ta confirma cu mas medida ta na caminda, e ta posibel tambe cu gabinete Wever Croes pa keda na poder, lo por bay acepta hasta pa wordo poni bou curatela dor cu e lo no por cumpli cu exigencianan cu nan mes a bay di acuerdo cu nan cu CAFT  y gobierno di Reino.

Ta algo historico pero na mes momento comico y tristo pa scucha miembro di un partido cu a pidi pueblo sosten di voto ya cu e lo drecha cos sin medida, awor ta bisa pueblo cu su sufrimento dor di e medidanan cu su gobierno a tuma, lo bira pio y cu si pueblo para hunto, lo Sali di esaki den futuro.

Un expresion cu  ta demostra e incapacidad total di un un gobierno cu no tin nocion di kico nan tin cu haci y cu no tin solucion algun pa atende cu interes y bienestar di e pueblo.

Un gobierno cu ta rancando 130 miyon for di cartera di pueblo y cu ainda no por bisa pueblo kico e ta bay haci cu e placa aki, ta pidi pueblo pa para duro ya cu tin mas na caminda pero na mes momento ta percura pa  yuda sponsornan, pa yuda amigo- y famianan pero pueblo ta ser pidi pa wanta duro.

E suplica di un miembro di fraccion di MEP na pueblo ta muestra cu lo peor ta na caminda, cu por lo pronto lo no tin alivio y cu pueblo no por spera reduccion di prijs di awa y coriente manera priminti, y cu  su gobierno lo no importa gasolin mas barata cu ta otro promesa haci na pueblo.

Scuchando e expresion aki di e miembro di MEP ta confirma cu e promesa di aumento di sueldo minimo, aumento di bijstand lo no mira luz di dia por lo pronto ya cu gabinete Wever Croes su vision di gobernacion, no ta favorabel.

Pa completa e seriedad di e expresion aki cu a ser haci pa un miembro di parlamento, el a haci esaki siendo representante di pueblo den parlamento, caminda su trabou ta di controla gobierno, su trabou ta di sirbi interes di pueblo contra gobierno pero e tin e curashi di bin dilanti y bisa pueblo cu tempo menos favorabel ta na caminda.

Na luga di exigi di su gobierno pa bay bek na e plan original di prome minister di forma un gabinete di 7 minister maner cu el a sigura pueblo, e ta bisa pueblo cu 8 minister mas un staatssecretaris ta bon  y tampoco e ta puntra di con  e gobierno cu e ta sostene no ta reduci gasto di biahamente caminda su lider a yega di priminti di lo spaar 50 miyon florin.

Sinembargo gabinete Wever Croes ta riba un trip pa tur parti di mundo, pa tur cos cu nan por asisti na dje nan ta subi avion y bay riba custia di pueblo pero ta pueblo ta haya medida.

Ta preparando pueblo pa un tempo menos favorabel pero pa sponsor di partido tin contract lucrativo otorga y cu mas na caminda y tin sostenedonan di partido den servicio caminda keto bay ta sigui tuma hende den servicio apesar di tur advertencia di CAFT y gobierno di Reino y cu tur consecuencia cu esaki lo trece cune.

Tempo menos favorabel pa pueblo ta na caminda pero pa amigo y famianan tempo di abundancia t’aki awor,” Melvin Tromp di AVP ta mustra.