fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Fraccion di AVP ta felicita den luna di Juli e comunidad Venezolano, Colombiano y Peruano residencia na Aruba

Recientemente den luna di Juli tres pais cu comunidadnan grandi na Aruba a celebra nan dia di independencia, respectivamente Venezuela, Colombia y Peru.

Fraccion di AVP ta manda felicita cada un ciudadano di e paisnan aki kendenan ta biba y contribui positivamente na desaroyo di nos isla.

Cada un di e comunidadnan aki tanto di Venezuela, Colombia como di Peru a sa di contribui grandemente na nos mercado laboral y tin varios negoshi specialmente den e mundo gastronomico.

Ta importante y bunita pa wak cu e comunidadnan aki ta mantene nan tradicionnan y cultura bibo pero alabes ta orguyoso di por integra y forma parti di Aruba.

Un isla cu ta multicultural y cu tin hopi famia cu raisnan di paisnan Latino Americano, specialmente e tres paisnan menciona.

Partido di pueblo Arubano semper a balora y respeta un y tur cu ta biba riba nos dushi isla y nunca a discrimina ni pa color politico, rasa of otro pensamento.

Integracion semper tabata halto riba agenda di AVP pa tur cu ta biba y contribui positivamente na Aruba pa tur por biba liber y por hiba un bida digno y nan derechonan humano wordo respeta. Te ainda e gobierno di MEP-POR-RED no kier asumi su responsabilidad pa traha na bienestar di Aruba y su conciudadanonan.

Durante campaña a tende e miembronan di e gabinete actual cu demasiado promesa cu ningun a ser cumpli, al contrario ta sota riba herida e pueblo y tur cu a kere cu por haci yamada humanitario riba e gobierno actual ta hañando.