Fraccion di AVP a efectua bishita na VNO

 In AVP

Relaciona cu reunion di IPKO cu lo tuma luga fin di luna na Hulanda, ayera mainta fraccion di AVP  a inicia c’n serie di bishita pa diferente instancia como parti di e preparacion pa e reunion aki.

Parlamentario Richard Arends hunto cu coleganan di fraccion di AVP, Arthur Dowers y Marlon Sneek,  a mustra cu tabata un reunion hopi ameno y fructifero caminda a intercambia diferente informacion y aspectonan di vital importancia.

“Nos a cuminsa c’un serie di bishita di cortesia na diferente actor importante den nos sociedad, entre otro representacion di Hulanda aki na Aruba, caminda nos a discuti riba e ultimo desaroyonan y tambe den preparacion pa nos bishita na Hulanda fin di luna aki den cuadro di IPKO cu lo tuma luga na Den Haag for di 26 di mei pa prome di juni.

Tabata un bishita hopi ameno, nos a discuti varios topico, vociferando nos preocupacionnan  riba cierto desaroyo pero en todo caso esaki ta e prome di un serie di bishita cu nos ta bay haci pa mantene otro informa, ya cu nos ta partner den Reino, y respectivamente si nos ta forma parti di oposicion, nos ta sinti cu nos tin un responsabilidad pa cu e votadonan, pa cu pueblo di Aruba,  y esaki nos a keda defende esaki den tur manera posibel , entre otro cu bishitanan cu nos lo haci,” Parlamentario Richard Arends a conclui.

Recommended Posts
Pregunta?

Manda nos un e-mail of message nos via Facebook. Danki pa e sosten.

Not readable? Change text. captcha txt

Start typing and press Enter to search