For di dos siman pasa a alerta cu situacion di Covid-19 lo bay for di man

 In AVP

Ta for di dos siman pasa caba mr. drs. Arthur Dowers di Partido AVP, durante conferencia di prensa, a alerta Gobierno y cu peticion pa nan bira serio riba e forma con ta atende cu situacion di Coronavirus. A señala cu e scogencia haci, ta locual a hiba na aumento un biaha mas di casonan di Coronavirus riba nos isla. Si a monitorea y controla e situacion bon por a manten’e bou di control.

Na otro paisnan a haci scogencia pa no laga hende di cierto areanan drenta nan pais mirando cu tabata core un risico grandi pa nan. Contrario cu na Aruba, a scohe pa habri frontera y laga nan drenta.

Arthur Dowers a remarca cu no ta e hecho cu a habri frontera pero ta e manera cu a antende cu tur locual cu ta rondona e desicion ey. Na momento cu a mira cifranan di Covid-19 a cuminsa lanta cabes, no mester a warda te ora el a brota/ plama localmente pa tuma medidanan necesario. Un di e medidanan cu a pone den ehecucion na pais Aruba y rond mundo tabata e regla di distancia social. Un di e posibilidadnan pa reduci contagio y contacto directo di hende pa hende caminda e ta keda limita.

Na momento cu a bisa cu ta importa coronavirus y ta controla esaki via test y isola hende, ningun momento bo por sa si a infecta, of a laga un pasa sin cu a tuma nota y a drenta toch cu e virus. Un persona cu a test 72 ora di antemano prome cu e yega Aruba, por a drenta nos isla sin cu e mester a haci un test na su yegada. Posibilidad cu e por a pasa un caminda despues di e 72 oranan den un area cu ta altamente contagia, lo por a contagia. E risico ey pais Aruba a tume, y na momento cu e persona ey yega akinan y a permiti’e drenta den tur sorto di luga y sin aplica e control riba aglomeracion di hende. 

No ta papia di Toque de Queda of LockDown pasobra e medidanan aki mas bien lo tabata maluza pa otro rasonnan y no pa uno di salud. Si a tuma nota di aglomeracion di hende, bebemento, bringamento den gran escala anto tabata e pregunta e ora si e pais enberdad tin coronavirus presente. Tin coronavirus si of no? Pasobra si esaki lo tin coronavirus e ora gobierno no tabata duna ehempel na momento cu nan mes tabata aglomera tur caminda. Ta duna e imprecion cu e gobernantenan mes no ta e situacion aki e seriedad cu mester. Automaticamente ta yuda plama e virus, ta facilita (host) e virus creando un risico pa bo mesun hendenan como e comunidad en general.

Desicionnan ilogico manera cierre tempran di bendedonan di Lotto mientras ta laga barnan y clubnan nocturno habri y cu aglomeracion y bebemento den gran escala. Ta spera cu gobierno recapacita y acepta conseho cu ta duna y tuma pasonan corecto y evita cu tin cu cera tur caminda atrobe y cu e sla lo bin dos biaha mas duro. Arthur Dowers a haci e peticion ainda na momento cu tabata sinti cu tabata na tempo y cu cifranan tabata abou pa actua y no permiti aglomeracion pa asina evita contagio masal.

Recommended Posts
Pregunta?

Manda nos un e-mail of message nos via Facebook. Danki pa e sosten.

Not readable? Change text. captcha txt

Start typing and press Enter to search