fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 FMSA ta di pueblo y mester keda di pueblo

Maniobranan cu a bin ta tumando luga dor di gabinete Wever Croes pa trata di enrikece famia y amigonan, a tuma un buelta hopi serio caminda por bisa cu San Nicolas lo no mira  e refineria habri y duna trabou na miles di hende.

Miembro di fraccion di AVP sr Mike de Meza a mustra cu for di palabranan di Prome Minister Evelyn Wever Croes y desaroyonan cu tin den ultimo simannan, e proceso pa cera e refineria atrobe, ta birando realidad, pa colmo pa gobierno di un lider politico kende den pasado a yega di grita dilanti porta di e refineria, cu si tin un solo porciento di posibilidad pa habri e refineria bek, tin cu tuma esaki.

“Prome Minister no por ta serio, caminda den casi dos aña como Minister encarga cu e refineria, a yega di sinta na un solo ocasion cu oficialnan di CITGO ya cu nunca e tabatin tempo pa haci esaki y busca un forma pa logra reapertura di e refineria cu lo a percura pa un injeccion formal den economia di nos pais.

For di prome simannan den gobierno, a bira conoci cu lider di partido POR no tabata kier pa e refineria habri ya cu e tabatin un proyecto di hotel cu no kier construi un hotel den porta di e refineria y awor ta sali na cla cu Prome Minister mester obedece e ordo aki, ya cu de lo contrario y lo no por ta Prome Minister mas.

Su falta di interes a bolbe keda demostra recientemente ora cu Evelyn Wever Croes den un declaracion na pueblo, a bira felicita pueblo cu FMSA porfin ta den man di pueblo mientras cu 

RdA ta un compania di gobierno y ta maneha FMSA for di momento di su fundacion.

Gobierno en realidad ta doño di FMSA y mester keda doño di e compania aki tambe como empresa estatal pero mester para tur maniobra, tur intento cu ta conoci for di momento cu gabinete Wever Croes a bira realidad, intencionnan di pasa  FMSA pa famia y amigonan di e actual gobierno, caminda sponsornan lo bay tuma e compania aki over, lagando pueblo sin un compania cu ta genera miyones di florin tur aña.

No solamente e refineria,  pero terenonan di e refineria cu aworaki ainda ta bou maneho di Refineria di Aruba cu ta un empresa di gobierno, pues di pueblo, ya caba lo ta wordo reparti entre amigo y famianan mescos cu sponsornan ya cu Gabinete Wever Croes no ta un gobierno pa pueblo pero uno mas bien pa castiga pueblo.

Ora cu  tuma nota di declaracion di e ex Director di RdA kende den palabranan bon cla a confirma e desaroyonan aki cu ta tumando luga cu e refineria, e falta di interes  di Prome Minister den e compania aki, caminda practicamente oficina di su tata ta traha y lucha contra RdA, por realisa seriedad di e situacion aki.

Ya caba a split cierto aspectonan di fuel avion na aeropuerto cu ta otro indicacion cu FMSA lo no dura mucho den man di gabinete Wever Croes caminda entre otro tin un caso interesante di un omo di Prome Minister cu kier pago di un daño y perhuicio di un miyon florin, relaciona cu un gasstation cu lo tin tanki ta lek.

Tata di Prome Minister ta ruman y abogado di e gasstation aki pero na mes momento oficina di su tata lo ta sirbi interes di RdA den e disputa aki loke ta un indicacion hopi cla con resultado final di e caso aki lo bira, esta cu famia di Prome Minister lo Sali ganado di ambos banda. 

Un campaña formal pa algun luna caba a bin ta tumando luga den algun medio di comunicacion entre otro insinuando cu 200 miyon pa CITGO Aruba lo a disparce caminda kier lanta e sospecho cu tin cosnan cu lo no ta bon den  RdA.

Sinembargo e tipo di maniobranan aki di Gabinete  Wever Croes tin cu wordo sigui di cerca pa evita cu pueblo lo Sali perhudica den henter e asunto aki pero fami-, amigo- y sponsornan ta Sali beneficia grandemente,” Parlamentario Mike de Meza a señala.