fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Ex Promer Dama, Doina Eman, lo haya mas examinacion medico na Colombia

Riba su pagina social, ex Promer Minister Mike Eman, a comparti cu comunidad e ultimo desaroyo rond di salud di su esposa Doina. Despues di un operacion den fin di anja Doina y Mike a haya resultadonan medico cu ta haci necesario pa Ex Promer Dama haya mas examinacion na Aruba y den exterior. Riba su pagina social Ex Promer Minister Mike Eman a gradici pa e cuido medico na Aruba y nos comunidad pa e sosten, amistad y oracion. Tambe Ex Promer Minister Mike Eman a gradici su companjeronan di lucha pa e espacio cu nan ta dune pa dedica na salud di Doina. E a comparti Diadomingo mainta riba su pagina social e informacion aki: 


Amigonan, Friends, Un Diadomingo Bendiciona, a Blessed Sunday, laga nos cende un bela awe pa salud di nos sernan keri. Doina cumi ta cende un pa Boso tur. E siman aki nos ta bai Colombia pa Doina su salud. Dokternan di Aruba a referi nos pa haci mas examinacion. Nos ta ora cu tur cos bai bon cu esaki y e otro examinacionan y tratamento cu lo sigui. Na nos famianan, amistadnan y tur esnan den cuido di salud, danki di curason pa Boso cuido, sosten, amistad y oracion. E ta duna nos forza !. Na mi companjeronan di lucha. Danki pa crea e espacio pa mi por dedica tur tempo na salud di Doina. Cu hopi aprecio, un abrazo [Mike y Doina]