Ex Primera Dama di Aruba Doina Eman lo sigui su di cuater tratamento di kimoterapia awe. Famia Eman ta ora pa tur cos bay bon.

E ultimo tratamento a duna ex Primera Dama algun complicacion. Doina Eman a keda algun dia hospitalisa. Den un mensahe personal na e pueblo di Aruba riba su plataforma social Ex Promer Minister Mike Eman a comparti awe un mensahe cu comunidad riba e situacion di su esposa y un mensahe di calor y solidaridad cu e pueblo di Aruba.

Ex Promer Minister Mike Eman a pone riba su red social: 

Friends, amigonan, Mientras cu Fe den nos curason nos ta enfrentando Doina su buskeda pa sanacion y nos curason ta yen di convivencia cu nos pueblo stima pasando momentonan hopi dificil. Miles di persona sin entrada, sin trabao y den incertidumbre. Awe Doina lo haya su di cuater quimo. E ultimo tratamento a enfrenta nos cu complicacion. Doina a keda algun dia hospitalisa. Nos ta resa pa forsa pa supera e siguiente nan cu bon resultado pa por tin salud y trankilidad atrobe. Tur locual nos Creador lo kier pa nos, nos ta somete nos mes na dje. Nos curason ta yen di preocupacion, pero tambe yen di amor pa boso tur. Nos tin Fe cu e lo scucha nos oracion pa Aruba y Doina. Hopi forsa, speransa y Bendicion rumannan, un abraso [Mike y Doina]