Eliminacion di medida riba pensionadonan a laga buraco grandi den presupuesto

 In AVP

Na momento di e introduci e crisisheffing aña pasa tur pensionado cu ta gana 1 florin of 100 florin mas cu e pensioen basico di SVb, ta perde nan reparatietoeslag. Na varios ocasion fraccion di AVP a trece padilanti nan preocupacionnan riba e mal introduccion di e crisisheffing aña pasa y consecuencia pa poder di compra, especialmente di esnan mas vulnerable. Director di SVb a confirma entretanto e preocupacionnan cu fraccion di AVP ta treciendo desde luna di mei 2018 na momento cu a introduci e crisisheffing y simultaneamente kita e reparatietoeslag for di gran parti di pensionadonan. Fraccion di AVP a trece dilanti den detaye cu e crisisheffing no tabata nada otro cu un ‘coalitieheffing’ pa financia gastonan nobo di personal y operacion. Esaki a wordo confirma tambe door di e propio colegio di supervision financiero, CAft. 

Hunto cu introduccion di e schoolkindertoeslag, aumento di onderstand, indexacion di salario di empleadonan publico, e reparatietoeslag tabata forma parti integral di e maneho di Gabinete Mike Eman I pa frena deterioro di e poder di compra cu a sufri prome cu aña 2010, asina Parlamentario di AVP, mr. drs. Richard Arends a expresa. Manera e nomber ta bisa, e la contirbui na ‘recupera’ e poder di compra cu a perde prome durante e priodo 2001-2009. Empleadonan cu un entrada mensual di menos cu 2500 florin, como tambe pensionadonan tabata tin derecho di e reparatietoeslag. Danki pa un maneho dirigi na mehora e poder di compra di e ciudadano, e resultado di 8 aña di Gabinete Mike Eman a indica cu esunnan cu tabata gana menos di 2500 florin a bay dilanti cu 11% den nan poder di compra. 

Na momento cu Gobierno a dicidi di hasi cambio den kendenan tin derecho riba  reparatietoeslag y no a inclui e contribucion aki den presupuesto, a limita e cantidad di pensionadonan cu lo gosa di e beneficio aki. Di manera constructivo, fraccion di AVP a entrega un amienda durante tratamento di e reunion aki. E tempo ey gobierno a conseha Parlamento pa vota contra y p’esey a rechasa dicho amienda.

E situacion aki ta demostra falta di maneho coherente di Gobierno: aña pasa ta pasa un ley pa kita e reparatietoeslag di un grupo grandi di pensionado y despues di algun luna ta bisa cu e reparatietoeslag ta wordo otorga toch. Esaki ta indica cu e presupuesto cu a caba di trata na december a resulta atrobe di ta incompleto pa motibo y cu awo tin un gasto adicional di riba 10 miyon di florin no presupuesta. No sa ainda unda gobierno lo bay corta gasto pa cubri cu e gasto adicional aki y p’esey fraccion di AVP lo sigui monitoria esaki.

Un di e opcionnan cu gobierno tin pa loke pa cubri e gasto adicional aki ta pa baha otro gastonan di aparato gubernamental pa mantene e norma palabra cu CAft. Sinembargo ta trata aki di un gasto nobo y incidental, pasobra e no tabata presupuesta pa por a cumpli cu e normanan nobo. E parlamentario ta cuestiona con lo aplica e reglanan nobo cu gobierno a mara su mes den e protocol: esta separacion di entradanan y gastonan y cu gastonan incidental cu mester wordo cubri un entradanan incidental. E fraccion di AVP ta desea di haya sa con gobierno ta bay diferencia esaki. Como cu e gasto aki no ta presupuesta, gobierno lo mester regresa Parlamento cu un presupuesto supletorio pa por balansa e presupuesto manera debe ser.

FIN

Recommended Posts
Pregunta?

Manda nos un e-mail of message nos via Facebook. Danki pa e sosten.

Not readable? Change text. captcha txt

Start typing and press Enter to search