E e momento pa un causa comun nobo

 In AVP

Den su mensahe pa aña nobo ExPromer Minister y Lider di AVP mr. Mike Eman a enfoca riba e responsabilidad generacional di dirigentenan cu a nace for di e hecho cu AVP tin un base hopi special cu ta caracterisa su origen: AVP a nace for di un sentimiento comun y profundo den e pueblo di Aruba; Un Causa Comun.  

“Cada generacion nobo di integrantenan di e partido ta realisa cu nan tin un yamada pa contempla riba e nececidad y aspiracionan cu ta biba den comunidad y traduci esaki den un perspectiva nobo pa futuro, un Plan di Pais. Cada un den su tempo, enfrente di su realidadnan a accepta e reto, mission y destino aki. Nace den un cuna di sentimiento comun a bai na caracterisa nos den curso di historia”, e di cuater generacion di lider di lider di AVP, mr. Mike Eman a expresa.

Historicamente ora cu e Plan di Pais cu nos ta ofrece ta corela y conecta cu e nececidadnan di Pueblo nos ta worde yama pa dirigi nos Pais. 

Asina tur e lineanan invisible di sentimientonan comparti den nos Pueblo ta forma un anhelo y un Causa Comun, ta crea e momentonan cu AVP y Pueblo ta comparti sentimientonan y ideanan pa cu e destino y mission di nos Pais.

Anhelonan y aspiracionan estatal, retonan economico of social grandi, nececidad di reconocimento di nos identidad y fortifica e orguyo di ser Arubiano, compromiso fuerte cu equidad y husticia social, trato husto y igual pa un y tur, ofrece un perspectiva moderno y prometedor pa Aruba, tur ta idealnan y aspiracionan cu cada un den su tempo a forma e esencia di e causa comun cu AVP a comparti cu Pueblo y Pueblo cu nos.

E compromise aki a cana den linea di nos historia, for di e ideal pa nos ta Baas den nos mes cas, e emocion di e Lucha Arubiano, e nostalgia pa Ban Cas Bek, e vision pa rescata Aruba y crea un Aruba Nobo, e determinacion pa Cambio pa Mihor, te na e transformacion di Aruba cu cu e vision y energia pa e Bon Trabao y e realisacion cu ainda falta. 

Pesey nos tin un vinculo historico, profundo, transcendental y generacional cu e Pueblo di Aruba.

Awe atrobe e dolor ta tur caminda; di nos grandinan pa nos jiunan. E preocupacion ta general; di oposicion pa gremionan, sindicatonan y Banco Central. E gritonan ta bini di tur skina; e situacion ta urgente. 

Awe na pia di un cero cu retonan grandi pa nos Pais nos tey hunto cu Boso pa lora manga un vez mas y traha duro pa saca nos comunidad for di depression, pobresa y recession y eleve bek cu optimismo y speranza nobo na un rumbo di felicidad y prosperidad comparti, cu un atencion special pa esnan mas vulnerable den nos comunidad: Nos grandinan, nos muchanan, esnan den soledad y nos enfermonan.  

E lider di AVP, mr Mike Eman a refleccion riba e experiencia personal cu preocupacion cu salud di su senjora Doina e dianan aki y con esaki a trec bek na momentonan cu a comparti y convivi cu su defunto mama den lucha pa su salud..y e refleccionan cu Bo ta haci na momentonan asina.

Pasando dia y oranan den e paseonan di nos hospital, compartiendo cu esnan den lucha pa nan salud y nan famianan den anciedad pa nan ser keri ta profundisa mi sentimientonan cu pa nos por haci un diferencia pa esnan cu nos ta stima nos mester tey semper uno pa otro.     

Pesey e a invbatisa cu causa comun cu nos mester yega hunto na dje pa nos Pueblo y nos Pais mester contempla riba e factornan di actualidad y futuro, riba e factornan economico financiero, tur cu e fuente di guia y inspiracion basa riba e valornan cu nos Creador a pone den nos curason: solidaridad cu nos semehante, responsabilidad comparti, equidad, compromiso cu e siguiente generacion, un sentido profundo di nos amor prohimo. 

Den nos ideologia Cristian Democrata tin pensamento cu cu ta guia nos cu ta bisa na Hulandes: “Een mens komt pas tot z’n recht in relatie tot anderen”. Nos berdadero ser como humano ta bini padilanti y ta haya su significacion real den nos relacion uno pa cu otro”. 

Mr. Mike Eman a finalisa su mensahe pa anja nobo cu un jamada na henten nos comunidad pa encontra otro atrobe riba e rumbo pa un causa comun nobo: “Laga nos drenta anja nobo carga cu e sentimientonan aki pa nos Pais, pa nos Pueblo, nos sernan keri y humanidad y cu guia y Bendicion di nos Creador y nos lo encontra otro atrobe riba e rumbo di un Causa Comun nobo. Hunto nos lo braza e apelacion cu ta sali for di un plan coherente y un equipo prepara cu por motiva nos imaginacion y determinacion pa pone nos Pueblo y Pais atrobe riba un rumbo di felicidad”.

Recommended Posts
Pregunta?

Manda nos un e-mail of message nos via Facebook. Danki pa e sosten.

Not readable? Change text. captcha txt

Start typing and press Enter to search