Diferente pregunta relaciona cu corona virus y otro preocupacionnan existente

 In AVP

Miembro di fraccion di AVP, Jennifer Arends Reyes ta mustra cu durante di e reunion publico di Parlamento pa loke ta concerni e maneho di gobierno relaciona cu e COVID-19, fraccion di AVP a dirigi varios pregunta na gobierno.

“Den e reunion aki diferente Minister tabata presente pa duna Parlamento contesta riba diferente pregunta cu a wordo haci pa loke ta concerni preocupacionnan existente pa loke ta tumando  luga.

Mi persona y varios otro miembro di fraccion di AVP a haci diferente pregunta tanto pa loke ta e parti di  medicamento, hospital,  personal y sigur riba tur e personanan cu ta trahando di cuido medico, esta e frontliners,  si tin suficiente profesional pa mustra con prepara nos ta pa e e situacion reinante.

Nos a puntra tambe si tin suficiente material di proteccion cu ta un topico cu mundialmente ta relevante den henter e lucha contra  corona virus y adicionalmente nos fraccion y mi persona a  presenta diferente otro punto di preocupacion manera entre otro turismo, ya cu di parti di ATA nos no ta hayando suficiente informacion.

Preguntanan tambe a wordo haci riba e ’emergency funds’ con esaki lo wordo usa, na ki momento lo implementa e plannan cu ATA tambe tin manera e contingency plan pero tambe e recovery plan.

Tambe nos a pidi informacion na momento cu yega e ora cu nos tin cu ricibi bishitantenan di buelonan comercial, kico e condicionnan lo bay wordo implementa pa cu esaki ya cu esaki ta un discusion cu mundialmente ta relevante, sigur ora cu nos ta un  pais cu ta depende asina hopi di turismo, kico e ta condicionnan cu lo permiti e bishitantenan bin bek.

Otro punto cu   a wordo treci dilanti ta cu nos tin cu siña biba den proximo lunanan cu e ‘social distancing’  y tur otro precaucion pa asina nos evita di pega cu e virus, pues tur esaki ta puntonan cu ta bira cosnan cu nos tin cu pensa riba nan con nos lo bay atende cu esakinan  ya cu e momento lo yega cu nos tin cu cuminsa pensa riba e puntonan aki.

Tambe pa loke ta e tereno di enseñansa, grandiciendo tur e maestronan kendenan ta pone asina hopi dedicacion pa asina enseñansa sigui draai pa esunnan mas chikito te cu e grandinan, caminda por a tuma nota cu hopi biaha tabatin ocasionnan cu e maestronan tabatin necesidad di mas sosten y kico lo bay haci si scolnan no habri pa dia 20 di april.

Otro punto ta cu na hopi ocasion muchanan chikito no ta of no sa con pa usa e ‘social distancing’ cu ta lanta e pregunta kico ta bay ta e siguiente paso pa cu esaki ya cu ta comproba cu muchanan awor tambe por bira malo y nan por hasta bira malo critico y mester purba evita cu ta core bay habri tur scol y expone e muchanan aki na situacionnan hopi serio.

Fraccion di AVP a dirigi hopi pregunta na gobierno riba e puntonan aki menciona y nos lo sigui monitor e desaroyonan nos dilanti pa loke ta trata e virus aki  y parlamento sigur lo sigui vigila di cerca tur desaroyo cu tin cu loke a bin ta tumando luga,” Parlamentario Jennifer Arends Reyes a declara.

Recommended Posts
Pregunta?

Manda nos un e-mail of message nos via Facebook. Danki pa e sosten.

Not readable? Change text. captcha txt

Start typing and press Enter to search