Dialogo social tabata reconocemento husto di derecho di participacion

 In AVP

“Scuchando e incertidumbre den nos Pais riba e cantidad di medidanan imponi dor di gobierno, e inseguridad riba futuro di diferente sector social economico di nos Isla y falta di un vision coherente cu participacion real di nos comunidad e ta bira hopi evidente cu Aruba ta haya hopi falta di e epoca di participacion real y dialogo amplio cu tabata tin cu Dialogo Social”.  

ExPromer Minister mr. Mike Eman: Dialogo cu gremionan riba temanan di embergadura nacional ta forma parti di un democracia participativo cu no ta na previlegio di gobierno pa keda sin cumpli cune. Locual ta sosodiendo na e momentonan aki un deteoro preocupante di un pilaar importante di democracia y un Estado di Derecho debido. Esaki ta un responsabildad directo di un Promer Minister cu na e momento aki Evelyne Wever Croes ta trapando riba e derecho sagrado aki di participaciion di gremionan cu un actitud arogante y dictatorial. 

Directamente na incio di Gabinete Mike Eman a insitui un commission pa incia e proceso di consulta pa yega na un plataforma di Dialogo Social. E commission aki consisti di Presidente di Banco Central, Jane Semeleer, Enid Croes Marugg, Anselmo Pontilius, mr. Luciano Milliard, mr.drs Richard Arends, Lisette Malmberg y Ric Timmer. Dentro di un corto tempo e Comsion aki a raporta cu tin necicidad grandi emberdad pa un plataforma di Dialogo Social y a raporta riba un cantidad di tema cu gremionan kier a delibera riba dje.

Algun siman despues Promer Minister mr. Mike Eman a yama e promer Dialogo Social asesora pa un experto di Hulanda, Jan Willem van den Braak, cu Tabata na cuna di e Poldermodel di Hulanda y e conocido Wassenaar Akkoord. Tur gremio a participa na e Dialogo Social aki y a termina cu e Protocol conoci como “Keerpunt 2010”. Den esey a reconoce conhuntamente e retonan grandi enfrente di Aruba y cu den un proceso di Dialogo Social lo bai atende un pa un cu nan. Esey ta locual a sosode tambe cu por a saca Aruba for di e crisis social economico grandi cu Gabinete Mike Eman a haya Aruba na 2009.

Despues a sigui bao guia y liderazgo di Promer Minister Mike Eman hopi anja di fortificacion di e proceso di Dialogo Social cu acuerdonan grandi cu a percura pa mehoracion di poder di compra: re-introduccion di indexering, aumento di voorjaar- y najaarspremie, introduccion di reparatietoeslag pa minimum loners y pa pensionado, aumento di bijstand cu 25%, introduccion di schoolkinderentoeslag, introduccion di Flex-Pensioen introduccion di un Pensioen General, reduccion di impuesto, entre otro cu mas ouderenaftrek, re-introduccion di investeringsaftrek, re-introduccion di rente aftrek, reduccion di invoerrechten di auto electrico na 2% y hybrid na 12%, reduccion di prijs di awa cu 33% y prijs di coriente cu 15%, rescate di Fondo di SVB, APFA y AZV. Riba tur e temanan a logra cosnan grandi tambe riba tereno di Seguridad y Ensenjanza a logra procolnan importante. 

E Dialogo Socialnan aki tabata dura tin vez simanan y otro hasta lunanan largo. Promer Minister Mike Eman Tabata dirigi e reunionan aki for 3.30 di atardi te hopi laat den anochi cu participacion sercio di greminan syndical, commercial y expertonan. Te na momento cu tabata tin consensus tabata yega na firma un protocol cual Gabinte Mike Eman tabata ehecuta religiosamente “a pie de la letra”. Eman Tabata worde asesora pa expertonan manera mr.drs. Piet Pronk q.e.p.d, mr.drs. Richard Arends, drs. Bart Kol, mr. Luciano Milliard y mr.drs. Nicole Hoevertsz. Dialogo Social asina a bira un parti integral di un demcracia participativo e tempo ey. Algo nobo y bunita pa Aruba.

Ta hopi lamentable cu awe e plataforma importante aki a worde kibra y peor ainda e pensamento su tras di participacion ta worde trapa di mal forma cu un actitud arogante y dictatorial. Gremionan y Aruba no merece di a cai bek den e tempo cu Nel Oduber tabata intimida, bofona y insulta e gremionan, pero esy ta unda Evelyne Wever Croes a degenera Aruba atrobe.

ExPromer Minister mr. Mike Eman cu a traha cu alma y curpa pa a estable e instituto importante di Dialogo Social ta lamenta locual ta sosodendo na e momentonan aki na Aruba cu e derecho di participacion. E ta finalisa bisando cu Gobierno no ta manda riba e comunidad, pero ta na su servicio. Leynan no tey pa impone boluntad riba otro, pero pa hasi posible cu tur hende por sinti cu nan derecho ta wordo respeta. Den politica tin biaha discusionnan fuerte ta tuma lugar. Esey ta muestra di compromiso di politiconan pa duna forma na nan idealnan. Mescos cu den otro organisacionnan, no ta tur hende ta pensa mescos. E tarea constante ta pa busca dialogo y consensus den sociedad.

Recommended Posts
Pregunta?

Manda nos un e-mail of message nos via Facebook. Danki pa e sosten.

Not readable? Change text. captcha txt

Start typing and press Enter to search