fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Den sesion cu sector social a identifica enseñansa como factor clave y for di nan tambe nos lo scucha pa prepara y recupera miho

Mr. Mike Eman a keda hopi gradici cu sector social cu, cu tur debocion, a duna nan tempo y aporte na presenta loke nan ta mira como reto pa nos pais, ademas di loke den nan trabou diario ta haci pa trece alivio den nos comunidad. AVP a sinta cu representantenan di Fundacion Pa Nos Comunidad, Wit Gele Kruis, Departamento di Asuntonan Economico, Iglesia Catolico, Fundacion Pa Hende Muhe Den Dificultad y Restoration Outreach recientemente. “E reto cu cada un di e organisacionnan aki, y otronan mas riba nos isla ta enfrenta awendia ta haci e trabou cu nos tin cu haci pa elabora un plan di recuperacion, ta un trabou hopi intensivo cu mester haci cu un dedicacion di scucha hopi bon pa por brinda e instrumentonan di maneho cu nan tin mes.”
Segun Eman, eynan ta caminda e informacion cu AVP a haya ta importante; pa e proceso pa scucha, pensa y traduci tur e pensamentonan den plannan cu nos por ehecuta rapido ora nan wordo yama pa haci. Esey naturalmente ta den man di nos pueblo, pero AVP ta sinti cu nan mester ta prepara pa ora nan pidi comunidad confiansa, cu nan tin e hende y e plannan pa ehecuta e deseo y necesidad di comunidad. “Pesey nos a tuma e proceso aki na serio; pa prepara nos hendenan cu ta bin cu nos. Cada un dia nan ta recoge ideanan pa por forma nan mes, pa mañan por ta sirbidor di pueblo; y como organisacion, pa traha e miho plan pa Aruba recupera y recupera miho.” 
Durante e sesion a sali na cla cu un sector hopi importante pa esaki, ta esun di enseñansa. Un bes cu educa nos hobennan pa crece den un profesion of ofisihi, hopi bes ta evitanan di cay den pobresa. Mescos cu un adulto trahando caba, pero cu ta haya chens di specialisa o siña algo nobo. Pesey Life Long Learning ta bira central den e plan cu AVP ta bay presenta
Den sesion anterior, ya caba e partido a papia esaki cu sector comercial. Aunke ta combenci cu na e momentonan aki empresanan di Aruba mester di un empuhe di incentivonan pa recupera, tambe kier haci un acuerdo cu un bes cu nos tur yuda e economia di Aruba crece atrobe, ta bay percura cu empleadonan ta haya nan parti husto di e progreso di cada empresa, hotel y instituto comercial na Aruba. “Bo ta mira cu hopi hende durante añanan no semper a progresa hunto cu e liña di economia,” Eman a bisa. 
Ta comunidad ta inverti tambe den turismo, comunidad ta traha e producto. Gabinete Mike Eman a inverti hopi pa crea un Aruba mas bunita, mas organisa, pero ta placa di comunidad a usa y e empleadonan a traha duro tambe pa e industria tin e nomber di ‘one happy island.’ Ora e crece, e meste crece tambe cu reparticion husto. Pa AVP esaki ta temanan hopi fundamental pa discuti awo y no ora cu ya cosnan ta bek na unda nan tabata. “Esaki ta e momento cu nos ta sinta na mesa cu tur partner social y bisa: ‘Si Aruba atrobe ta bay inverti como gobierno di tuma riesgo y duna garantia pa cierto cosnan tuma lugar, of nos ta yuda cu inversionnan pa mehora e producto, ban percura tambe cu tur hende por progresa;,” e lider politico a indica.
Educacion ta hunga un rol hopi esencial den esey paso hendenan mester ta bon prepara pa haya e miho oportunidad cu economia di Aruba ta bay ofrece den e futuronobo ey. Educacion ta e tema principal di e siguiente sesion di brainstorming cu AVP ta organisa y cu ta tuma lugar e siman aki.