fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Cuenta anual 2018 lo determina si Gobierno a cumpli cu e normanan

E informe di e ultimo cuartal di aña 2018 ta duna e impresion – riba papel – cu Gobierno lo a cumpli cu e norma stipula pa presupuesto 2018, segun e reaccion e colegio di supervision financiero CAFT riba e informe aki cu a ser publica recientemente. Cada cuartal Gobierno tin e obligacion pa publica un informe di realisacion di e entradanan, como tambe gastonan, segun ley di supervision financiero, LAFT. 

A base di e ultimo informe, CAFT no por wordo confirma si Gobierno a cumpli cu e normanan prescribi pa aña 2018 tanten cu no ricibi e cuenta anual. “Tur hende sa cu e proceso aki a wordo tranca na momento cu fraccionnan di coalicion a  rechasa e cuenta anual di 2016, strobando asina e proceso di duna cuenta despues cu na aña 2013 a elimina 30 aña di cuentanan anual cu no a wordo trata,” Parlamentario Arends a declara. “E ultimo carta aki di CAFT ta subraya un biaha mas e falta di informacion for di parti di Gobierno cu tambe a wordo indica e conseho di presupuesto 2019. E presupuesto ta carece di informacionnan crucial pa por determina si e realisacion di normanan stipula.” 

Parlamentario Arends a mustra cu CAFT a pone un biaha mas hopi atencion riba ehecucion di e ‘Sociaal Crisisplan’ caminda no tin bista con e fondonan aki ta wordo maneha. “Segun loke Gobierno a palabra den e protocol 2018, e supervision financiero ta extende su mes riba tur begrotingsfonds existente. Ademas di e presupuesto di Pais Aruba, Gobierno a palabra pa CAFT ricibi informe riba ehecucion di e Tourism Product Enhancement Fund (TPEF), e Onderwijsfonds, e Criminaliteitsfond y  ATA,” Sr. Arends a splika. “E ley di supervision financiero existente ta limit su mes riba sector colectivo, pero Gobierno a acorda cu reglanan adicional.” Segun Arends, fraccion di AVP no tin obheccion riba control y transparencia, pero esaki ta confirma un biaha mas cu e protocol cu a wordo firma na november di 2018 ta mucho mas invasivo cu loke tabata existi.

Mi ta kere cu no ta falta pa bisa, mescos cu na varios ocasion e conseho di CAFT ta similar na preocupacion y preguntanan haci pa fraccion di AVP den Parlamento, como tambe e notanan cu nos a publica, y mescos cu cartanan anterior, CAFT ta mustra di no por confirma si Gobierno ta cumpli berdaderamente cu e normanan ya cu tin falta di informacion esencial di parti di gobierno,” Parlamentario mr. drs. Richard Arends a declara.

Ta remarcable cu gobierno a bay asina leu pa loke ta trata e competencia di CAFT tin, mientras cu den mesun rosea e fraccionnan cu ta sostene gobierno ta bisa cu e protocol y e ley di supervision financiero existente ta en pugna cu nos consitucion. “Na e momentonan aki no tin un ley di supervision financiero vigente y no tin un base legal  pa un supervision financiero ni tampoco funcionamento di e colegio di supervision, CAFT. Sinembargo gobierno a palabra cu Hulanda cu CAFT por eherce su supervision a base di e protocol firma. Esaki ta nifica cu ta pone Parlamento totalmente un banda,” Parlamentario mr. drs. Richard Arends a declara.