Cu duele mayor ta admiti cu placa no ta yega pa cubri gastonan di aña escolar nobo

 In AVP

Ora bo ta biba di un salario minimo tur gasto extra por ta e differencia entre stabilidad den un hogar y problema financiero. Pa un famia di menos recurso gastonan di schoolgeld, uniform y otro articulonan necesario pa cuminsa un anja escolar nobo ta dificil pa absorbe. 

Hopi famianan humilde, balente y trahado pero mescos cu hopi, cu un entrada modesto y cu jui preparando pa bay back scol a carga e speranza cu pa anja 2019 nan no lo mester paga schoolgeld mas ya cu esaki tawata parti di e plan di gobernacion presenta na comunidad door di e partido na mando. E mayornan aki, mescos cu hopi otro den comunidad ta sinti cu nan a wordo lubida y completamente laga na caya.

Pa partido AVP e educacion di nos muchanan y stabilidad den un hogar semper tin prioridad. E oportunidad di un mucha pa sigi avansa y desaroya su capacidadnan no mag di wordo poni bouw di presion y tampoco bay acompanja pa preocupacion y inseguridad pa motibo di placa. 

Pa sostene mayornan pa cu e gastonan di school di nan juinan Gabinete Mike Eman a introduci e schoolkinderentoeslag pa tur hende cu entrada chikito cu tin jiu bayendo school. Tambe a introduci judansa pa famianan na inicio di anja escolar nobo tanto pa schoolgeld como pa gastonan pa por bai school bon prepara. Tur esaki via di Sociale Zaken. Locual gobierno awor a pone aserca ariba e sumanan aki cu Gabinte Mike Eman a introduci no ta yega pa cubri e extra gastonan cu nan mes a causa cu e pakete di medida. E judansa cu Minister Glembert Croes referi na dje cada biaha ta loke Gabinete Mike Eman a introduci caba pa famianan di menos recurso. Tambe pa famianan cu entrada di menos di Afl 3.500,- pa luna Gabinete Mike Eman tawata duna un ayudo addicional pa cubri bukinan di Colegio Arubano. 

E redoblacion di BBO y e hopi otro medidanan introduci a resulta den un subida drastico den prijsnan. E alivio grandi cu e schoolkinderentoeslag y ayudo adicional pa e gastonan di buki a trece a disaparece completamente na 2019. Awe di baina famianan tin placa pa paga cuentanan di luna. Esaki a crea cu pa prome biaha den historia di nos pais nos ta conoce un desigualdad economico grandi resultando cu e gastonan di anja escolar ta cay mas pisa ainda. Tristo ta cu segun Banco Central di Aruba e situacion lo sigi empeora. Esaki ta trece cune cu muchanan di famia di menos recurso automaticamente lo sigi cay atras y esaki ta inacceptabel 

Lamentablemente nos ta waak cu e mayornan y muchanan pasando den e situacion dificil aki no ta un prioridad pa gobierno actual. Pa nos e falta di responsbilidad y vision aki ta keda hopi preocupante.

Recent Posts
Pregunta?

Manda nos un e-mail of message nos via Facebook. Danki pa e sosten.

Not readable? Change text. captcha txt

Start typing and press Enter to search