Concientisacion y mas accion di un y tur pa cu Autismo na Aruba ta keda necesario

 In AVP

Oranjestad: durante un sesion informativo huntu cu miembronan di Fundacion Autismo Aruba a hasi un presentacion tocante nan proyecto di ‘pledge for inclusion’ y autismo na Aruba. Miembronan di e fundacion ta hasiendo un trabou cu hopi curason pa cu e thema di autismo. Tin varios area cu ta trahando riba e responsabilidad social corporativo y asina mas y mas corporacionan por sigui ahusta pa crea mas sosten y inclusion den e area laboral.

Den e parti di Enseñansa e parti di diagnostico ta keda importante huntu cu sosten y introduccion di mas klassenassistent pa scolnan regular. Tambe mas material, plan y training pa maestronan ta keda importante. Mas edificionan gubernamental tambe lo mester ta mas acesibel pa tur persona y hospitalnan tambe lo por continua na implementa mas proyecto pa acomoda tanto muchanan cu un of otro spectrum of miedo di ora nan mester saca sanger of ora pa hasi testnan na hospital. Tambe miembro di fraccion sra Arends-Reyes a hasi un peticion na e fundacion pa incorpora den e pledge pa Cinemas na Aruba por introduci mas ‘sensory friendly movies’.

Sr. Sneek tambe a hasi pregunta entre otro tocante nutricion specifico cu ta ser recomenda. A tuma bon nota di e contestacionan y recomendacionan actual cu tin pa cu e tema di autismo na Aruba. Ta gradici fundacion autismo Aruba pa e presentacion y ta desea cu e dia internacional di concientisacion pa Autismo lo ta uno cu por trece cambionan positivo pa Aruba y e posicion di autismo na Aruba.

Recommended Posts
Pregunta?

Manda nos un e-mail of message nos via Facebook. Danki pa e sosten.

Not readable? Change text. captcha txt

Start typing and press Enter to search