Coalicion ta zoetjes cu Minister Lampe pa loke ta trata Trai Merdia

 In AVP

Parlamentario Mervin Wyatt-Ras ta trece padilanti cu mayan un biaha mas lo tin un bijeenkomst cu Minister Lampe pa e bin contesta preguntanan cu na diferente ocasion parlamentarionan a haci na su persona referente su intencion pa elimina Trai Merdia. Parlamento den comision di Ensenjanza a skucha trahadornan di Trai Merdia y despues a sinta den un Bijeenkomst hunto cu e minister. Sinembargo minister no ta trece cla padilanti kico lo pasa cu Trai Merdia, e muchanan y trahadornan y no ta contesta preguntanan di miembronan di Parlamento manera mester ta. Wyatt-Ras mes dirante tratamento di presupuesto 2019 a haci cantidad di pregunta na minister encuanto Trai Merdia sin haya contesta. Trahadornan di Trai Merdia a demostra y entrega un manifesto na gobierno y parlamento y nada ni un musca no a bula paso minister no ta contesta. Pa es motibo ey fraccion di AVP a pidi un reunion publico sin haya esaki y ayera a ripiti e peticion ey. E ora un otro fraccion cu ta sostene gobierno a core pidi un bijeenkomst y presidente di parlamento cu ta partidista a core yama e bijeenkomst. Pero den un bijeenkomst cu tin un karakter informativo, parlamentarionan por djies haci pregunta y minister por contesta si e kier. E no ta un debate unda por cuestiona e minister. Aki por nota cu e minister tin sosten di su coalicion cu ta prefera sacrifica lidernan y muchanan cu cuestiona nan colega. Mayan pues lo ta bai tin comedia den parlamento y contamento di storiaTrai Merdia ta un entidad cu a ser lanta mas di 20 aña pasa cu e meta pa duna acohida na muchanan cu ta bishita skol basico. Aki nan por haya guia di huiswerk, nan por participa na diferente weganan, ta desaroya creatividad y haya entretenimento dor di cual nan mayornan en especial esunnan cu ta traha por ta mas trankil cu nan yiu no ta keda so na cas of ta bai riba caya.  Tin 40 lider y mas di mil mucha. Ademas tin e facilidad pa nos hobennan di 12-16 anja ‘Nos Atardi’. Recientemente e minister a manda trahadornan un carta cu nan lo por sigui studia y lo por ser ubica den un otro puesto den enseñanza mes segun diferente trajecto di estudio. For di e carta por deduci cu e lo kier elimina Trai Merdia pero e minister mes no ta cla over di e asunto.Wyatt-Ras mes tabatin bon experencia cu Trai Merdia tempo e tabata haci su trabou como orthopedagoog guiando famia y mayornan cu tin biaha no tin mucho medio financiero ni tampoco no por yuda nan yiunan cu huiswerk. Wyatt-Ras a yega di referi varios mayor pa pone nan yiu na Trai Merdia y a mira adelanto den nan estudio y dominio di vak te cu e muchanan  a bai over. Pues e yudansa cu e muchanan ta ricibi pa traha nan huiswerk sigur ta yuda. Aki por constata cu e valor di Trai Merdia ta grandi pa desaroyo di e muchanan. Wyatt-Ras te ainda no por kere cu e minister di Ensenanza kier elimina Trai Merdia y kita tur e personal foi trabou. Segun e minister no tin mester di huiswerkbegeleiding mas y cu muchanan cu bai Trai Merdia lo mester ta liber pa hunga y dicidi kico nan kier haci. Aki ta parse cu e minister aki no ta biba na Aruba of ta zweef den espacio pasobra tin un cantidad di mayor di salarionan no halto cu ta traha oranan largo cu ta depende di Trai Merdia pa yuda nan yiu tambe cu huiswerk. Durante e bijeenkomst di biaha pasa Wyatt-Ras a urgi e minister pa sinta cu trahadornan na mesa y pa hunto sali afor. Otro coleganan tambe a dune diferente sugerencia. Pero e no a cumpli cu e sugerencua sino e lidernan no a subi caya pa sali pa nan derecho. E minister aki a haci mescos cu MDC y cu e skolnan di SPO. E ta dicidi sin consulta y asina perjudica esnan cu pa anjas a traha cu dedicacion pa nos muchanan y nos hubentud. Mayan lo bolbe haci e minister mesun preguntanan, mientrastanto un djies ta schooljaar nobo. No ta husto cu esnan cu a traha tanto anja cu nos muchanan ta haya tal trato. 

Recommended Posts
Pregunta?

Manda nos un e-mail of message nos via Facebook. Danki pa e sosten.

Not readable? Change text. captcha txt

Start typing and press Enter to search