Ban sigui brinda experiencia y autenticidad cultural di nos Isla

 In AVP

Parlamentario Michael Lampe tambe tabata presente na Renaissance Convention Center durante un conferencia relaciona di Dia International di Turismo y ta conta nos un poco mas kico tur e dia aki ta significa pa nos Isla.

Turismo como nos pilar economico primordial ta haya su importancia pero tambe con ta anda cu turismo pa futuro. Trendnan mundial y di influencia cu ta relevante y cu efecto pa cu nos Isla. Tur esaki y hopi mas a keda presenta awe den e Conferencia di World Tourism Day Celebration 2019.

Parlamentario Lampe ta conta di ta gratamente sorpresa cu e acogida y presencia di hobennan entusiasma den e area di turismo, cu a yega p’asina tuma mas informacion cu por riba locual cu lo bira nan futuro den e area aki. Netwerking un di e factornan cu sigur a keda fiha awe mirando cu esaki lo ta tarea/ trabou valioso cu nan lo eherce como e prome contacto cu nos bishitantenan.

Varios presentacion interesante riba diferente topico, medio ambiente un di nan cu no por keda afo, su importancia y di keda al tanto di tur locual ta pasa cu por ta un impacto. Nos bishitantenan y locual nan ta experiencia ta bay man den man cu esaki y ta pa e motibo aki mes tin cu pone atencion na con nos ta trata nos Medio Ambiente y con esaki ta refleha y keda marca den locual nos turistanan ta experencia.

Innovacion / sustainability a bin dilanti den presentacion, creatividad y ehempel manera entre otro e vacation photography menciona pa Rosabella Illes. No por lubida e detayenan chikito cu ta haci e experiencia inolvidabel y ta duna sentimento unico y laga nan sinti nan na cas, caminda nan kier experencia cultura y autenticidad di nos isla.

Michael Lampe na final ta bisa cu e dia tabata uno hopi informativo. Un pabien na tur cu ta forma parti di e industria di turismo, na ATA / AHATA na nos Isla completo riba e World Tourism Day y na tur cu a duna presentacion y/o forma parti di e dia aki, haciendo un excelente esfuerso. Den su opinion tin mas trabou pa sigui haci, trendnan pa sigui y experiencia / autenticidad cultural pa mantene, ta indicacionnan internacional y di esaki e ta hopi contento di por mira cu ta hustamente locual Aruba tin cu continua pa keda riba e bon caminda.

Recommended Posts
Pregunta?

Manda nos un e-mail of message nos via Facebook. Danki pa e sosten.

Not readable? Change text. captcha txt

Start typing and press Enter to search