fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 AVP ta tene lectura riba preocupacion cu aumento di tarifa di grondbelasting

Sin un dialogo of cualkier forma di consulta gobierno a impone un tarifa nobo pa grondbelasting. Den e dianan aki centenaries di ciudadanonan y empresanan a worde confronta cu un “aanslag” cu a aumenta dramaticamente y pa hopi e cambio inespera aki ta causa un problema financiero grave. Esaki no ta manera pa atende cu nos conciudadanonan, lider di AVP, mr. Mike Eman a expresa.

Tambe Eman a bisa cu Partido AVP a consulta cu diferente consehero fiscal cu a duna di conoce cu na nan opinion e aplicacion di tarifa nobo aki ta en pugna cu ley. Locual nan ta splica ta cu Landsverordening Grondbelasting ta traha cu un ciclo di 5 anja. E valor di bo propiedad ta worde calcula pa e cinco anjanan ey. Riba e valor aki e percentahe di grondbelasting ta worde calcula. Normalmente e valor ta keda vigente pa 5 anja. Den caso di un expansion of renovacion di e propiedad dentro di e cinco anja e impuesto por worde aumenta, pasobra e valor a subi.

Locual si no por segun e expertonan ta cu gobierno dentro di e cinco anjanan ey ta aumenta e tarifa. Segun e fiscalistanan e ley no ta permiti esaki y pa e motibo ey nan ta conseha nan clientenan pa bai den bezwaar contra di e aanslagenan aki.

E Lider di AVP, mr. Mike Eman ta bisa cu hopi ciudadano no por paga un fiscalista pa busca nan derecho. Pa e motibo ey AVP lo organisa un anochi di lectura cu presentacion di expertonan riba e tema aki na cual tur intresado por acudi. E anochi aki ta tuma lugar Dialuna 3 di Juni pa 7’or di anochi na Cas di Partido.

E cambio di grondbelasting ta forma parti di e asina yama “rerforma fiscal” cu gobierno a bisa cu lo combini pueblo, pero tur dia consumidornan ta sinti nan mes mas strangula financieramente a concecuencia di e medidanan den e pakete di reforma fiscal. E forma tambe di impone esaki sin un dialogo y falta di transparencia ta haci cu no unicamente e medidanan aki ta causando un perdida grandi den poder di compra, pero ta creando un insiguridad grandi tambe serca ciudadanonan y inversionistanan locual ta reflehando tambe den e pesimismo cu tin pa cu futuro di Aruba. Tur esaki ta keda evidente tambe den e Consumer Survey di Banco Central cu mr. Mike Eman a analysa recientemente.     

Pa sostene nos comunidad den e incertidumbre aki y haya mas informacion con henter e asunto aki ta hinca den otro y kico ta e caminda cu e ciudadano tin pa cana ta locual AVP lo dedica un lectura na dje riba dje Dialuna 3 di juni pa cuminsando pa 7’or na Cas di Partido. Ta importante pa nos ciudadanaonan ta informa di nan derecho y si e argumentonan cu e expertonan fiscal presenta ta locual nos por para su tras tambe nos lo asisti nos ciudadanonan pa bai den bezwaar contra di e aanslagen cu lo ta en pugna cu ley, e lider di AVP, mr. Mike Eman a expresa.