Aruba bon prepara pa di horta mashin di ATM

 In AVP

Recientemente diferente organisacion a bini hunto pa ricibi y comparti informacion riba prevencion di un forma nobo di criminalidad cu na Hulandes ta yama “plofkraak”. Tabatin presentacion di expertonan di sector di siguridad di banco y a comparti detayenan crucial riba e forma nobo di criminalidad den nos region. E presentacionnan a bay hopi bon. Parlamentario Robert Candelaria di AVP a sinta cu e diferente expertonan di siguridad y e diferente departamentonan, manera Cuerpo Policial, Cuerpo di Bombero, Siguridad Nacional y Servicio di Combatimento di Terorismo y Interpol.

E motibo di a sinta cu e departamentonan ta pasobra Aruba ta hopi cerca di Corsou, unda ultimamente a constata incidentenan den criminalidad, hortamento di  bancomatico haciendo uzo di tecnicanan nobo y hopi peligroso pa horta hopi placa. Un di e miho formanan di prevencion ta di percura cu tur instancia cu tin di haber cu combatimento di criminalidad y di siguridad di nos pais, ta bon informa riba e ultimo desaroyonan den criminalidad. Tambe el a enfatisa e importancia pa servicionan traha hunto, pa ta miho prepara posibel pa deal cu desaroyonan nobo den e mundo di criminalidad.

Awor servicionan di siguridad a haya informacion di kico por spera, pa traha maneho di prevencion contra plofkraak. Tambe a comprati informacion cu nan mes tin pa evita plofkraak. Intencion di e charla tabata pa departamentonan di husticia ta miho informa y prepara y pa nan traha hunto y pa minimalisa e riesgo pa e forma nobo di criminalidad aki na Aruba. 

“Mi ta contento cu awe a constata cu nos ta basta bon prepara,” segun Parlamentario Candelaria. “Nos ta riba bon caminda, pero semper ta bon pa sigui traha y subi e drempel pa criminalnan pa Aruba keda un isla sigur”. 

A repasa riba kico tur e sector financiero y servicionan di siguridad por haci pa prepara nan mes pa asina tur esunnan cu kier comete algo similar na Aruba sa cu aki ta prepara y informa riba ultimo desaroyonan. Durante e charla a splica di inversionnan haci den prevencion y di cambionan den procedura di siguridad y training den tecnologia di prevencion moderno. E feedback di e participantenan tabata bon, nan a goza e intercambio di idea. Tabata bon pa mira cu organisacionnan ta tumando siguridad hopi na serio.

FIN

Recommended Posts
Pregunta?

Manda nos un e-mail of message nos via Facebook. Danki pa e sosten.

Not readable? Change text. captcha txt

Start typing and press Enter to search