fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Abo lo ‘determina’ e rumbo di pais Aruba marcando bo voto cu ‘firmesa’

Segun sra Arends-Reyes ‘Nos ta dilanti un eleccion hopi crucial pa pais Aruba. Un eleccion cu lo bai dicidi e rumbo nobo, e rumbo pa cambio cu lo trece alivio y trankilidad pa pueblo. Bo candidata riba e lista di e Partido di Pueblo Arubano, AVP; Sra Jennifer Arends-Reyes kier gradici e reaccion grandi y positivo cu e ta ricibiendo den pueblo y especialmente na un y tur cu ta acepta pa tene su man y cana cun’e. Jennifer ta cla pa un biaha mas asumi su responsabilidad cu un determinacion firme pa sigui traha pa pais Aruba. Jennifer Arends – Reyes ta yiu muher di e maestra Ustica Quant y e comerciante Jose Reyes. Mama di Charlotte Arends y casa di Ricky Arends. Jennifer mes a sigui e pasonan di su mama y ta docente di profesion den e materia di Ingles na Colegio Arubano, pesey Enseñansa y hubentud ta hopi serca di su curason y por bisa cu e ta carga e amor pa Enseñansa den su material genetico. Jennifer sa exactamente e sentimentonan y desapunto cu ta reina actualmente bao di e maestronan y mayornan y con esaki ta perhudicando e desaroyo di nos muchanan y hobennan. Y esaki e la sa di vocifere semper, papia, puntra, bishita, reuni, sali y para banda di e gruponan den cuestion cu tawata mester sosten na e momentonan ey consistentemente y no awor solamente durante temporada di campaña. For di 2013 Jennifer ta miembro di Parlamento y desde su entrada ela sa di traha duro na bienestar di pais Aruba logrando varios cambio cu a ser treci dilanti como su iniciativa y temanan cu e entre otro e la boga pe manera pa concretisa e ley di crèche y pa e wordo trata, pa studiantenan di medicina den region por haña fiansa di estudio pa continua nan estudio na Spaña of Hulanda, pa introduci un proyecto pa hobenan di 12 aña bai ariba despues di scol manera ‘Nos Atardi’, pa Aruba introduci un plataforma pa hobenan profesional cu ta brinda un central di vacaturanan pa trabou y stage, pa Formacion social introduci e trayecto pa hende muher, pa Aruba por ofrece fiansa di estudio pa Enseñansa avansa cu ta reconoci online, Y ainda falta un serie mas di idea y vision cu Jennifer lo desea di continua di realiza na bienestar di mucha, hoben, y adulto cu ta varia entre derecho di mucha, actividadnan extra curicular cu diferente disiplina di expresion manera arte, baile, actuacion of deporte. Stimula economia y introduci incentiva fiscal pa mayornan of dunador di trabou cu ta contribui na centro di cuido of scol di yiunan di trahador. Turismo ta un otro area cu Jennifer tin hopi pasion y afinidad pe, despues cu ela ser eligi como Presidente di comision di Turismo di Parlamento, durante Gabinete Mike Eman 2. A traha sumamente duru pa sa di crea un conocimento amplio riba e Industria y sera lasonan estrecho cu gremionan riba nivel nacional y internacional pa cu nos Turismo. Jennifer lo sa di duna su aporte un biaha mas riba e desaroyo economico di pais Aruba. Un hoben profesional, cu curason y experiencia cu e deseo di sirbi su pueblo, cu a sa di semper biba cu e norma y balornan cu su mayornan a lante cun’e y primordialmente sa cu ningun hende no ta mas ni menos cu otro. Jennifer ta kere den e ciudadano cu kier e mihor futuro pa Aruba y ta determina pa trece e cambio, pesey 25 di Juni venidero Jennifer Arends – Reyes ta pidi pa conta cu bo apoyo y sosten pa continua na hasi un diferencia positivo pa Aruba! Aunque door di pandemia e no lo por yega na bishita tur cas cu e lo desea, e ta agradicido pa e respaldo, di Playa, Noord pa San Nicolas, Aruba ta cu Jennifer!