fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 A haya trabou cu salario mas halto cu parlamentarionan y  hefenan di deparamentonan

Den un forma nunca bisto, Prome Minister Evelyn Wever Croes, a converti Parlamento den un tipo di cas di cultura, caminda su persona ta bin regularmente bin haci comedia den sala di parlamento, bin gaña pueblo, bin gaña miembronan di Parlamento y riba dje esakinan ta dune aplauso.

Miembro di fraccion di AVP, Arthur Dowers a mustra durante conferencia di prensa cu Parlamento no por y nunca mester a wordo converti den un cas di cultura pero lamentablemente su persona ta constata cu ta esey Presidente di Parlamento ta permiti y parce cu esey ta loke esunnan cu ta sostene gobierno, ta gusta.

“Mi ta bisa esaki pa motibo cu den e reunion cu nos tabatin siman pasa caminda gobierno mes a invita su mes pa bin papia dira ‘deugdelijkheid van bestuur’, bin papia riba integridad, despues c’un Minister di e gobierno aki, Marisol Lopez Tromp, a bisa cu gabinete Wevr Croes ta corupto y cu tin varios minister actual bou di investigacion.

Tin tambe parlamentario di MEP, Edgar Vrolijk kende a bisa cu e no ta confia ningun minister cu ta forma parti di e gabinete aki, solamente Eveleyn y ta lanta e pregunta con e gobierno aki ta sinta sin cu e tin confiansa di Parlamento.

Acerca tin un Ricardo Croes cu ta miembro di Parlamento cu ta sostene gobierno, tambe a bisa cu Minister Presidente no ta integro y cu tin varios minister cu no ta integro. El a bisa den ‘zoveel woorden’ cu e unico minister integro cu tin den gabinete Wever Croes na e momentonan aki, ta e minister di su partido RED, esta Rudy Lampe.

Pues tin un caos total pa loke ta trata gobernacion, integridad y ‘deugdelijkhedi van bestuur’ y siman pasa ora mi persona a puntra señora Wever Croes si e por bisa nos den Parlamento si ta corecto cu su primo, cu a wordo kita for di trabou pasobra el a comete actonan di fraude, valsheid in geschrifte, cu el a licht op hendenan di gobierno, si ta corecto cu el a haya un trabou caminda e ta cay bou di Ministerraad.

Loke Evelyn a bira contesta mi persona, despues cu mi a puntra si esaki ta berdad y si e ta haya esaki corecto, el a nenga di contesta e pregunta y loke el a bira bisa parlamento ta cu su famia ta grandi, cu e ta stima su famia y cu e no ta para responsabel pa yuda ningun famia yega na un posicion.

El a bisa cu cada hende cu comete un fechoria tin su sinta riba su blaar anto el a ataca su primo cu segun su persona a haci malo y cu e no ta den MEP, pero su primo cu ta den MEP e no sa nada di dje.

Loke Evelyn no a bisa den parlamento y lo mi manda puntra esaki por escrito pa haya sa si e asunto aki a corecto, pa motibo cu informacion cu nos tin , ta cu e primo aki despues cu el a falsifica paspoort, cu el a pone Aruba su cara na berguensa, caminda nos a haya carta di ministerio di Hulanda, cu Gobernador a wordo poni den ‘verlegenheid,’ caminda despues cu e primo a wordo kita e mester a paga pais Aruba 100 mil florin, ta bin resulta cu awor e meneer aki no ta sinta riba su blaarnan pero e ta sinta riba cientos di miles di florin.

Pa motibo cu e primo aki a haya un trabou via di e Minister aki su departamento anto e parti mas tristo ta cu e meneer aki tabata traha pa un salario di ambtenaar y a bay awor pa un salario di un director.

Kiermen bo ta falsifica paspoort, bo ta perde bo trabou, bo ta wordo condena y e straf cu e ta haya di Evelyn Wever Croes ta cu e ta haya un salario cu ta mas halto c’un miembro di Parlamento.

Mi tin informacion cu e meneer aki a wordo nombra hopi tempo pasa caba pero e Minister no kier a confirma esaki pero su salario ta mas halto cu Parlamentarionan y mas halto cu diferente hoofd van dienst y director.

Mi ta punta mi mes con esaki por ta posibel ya cu tin hopi hende den Parlamento ta bati man pa e señora Minister aki, ta grita cu e Minister a haci bon trabouo pero e ora bo ta mes corupto cu e Minister aki si ta bati man pa un hende cu a comete un acto di corupcion, ta cobrando salario mas halto cu e propio grupo cu ta bati man pa e Minister.

Parti mas serio di e asunto aki ta cu nunca nos a mira un anuncio di un vacatura na RDA pa e posicion cu e ta ocupando y pa colmo si mi ta compronde bon, e no ta ni traha tur dia an RDA y cu hasta nos a wordo informa cu regularmente e ta wordo mira na Directie Arbeid, haciendo kico ningun hende sa, ya cu el a haya prohibicacion pa traha pa gobierno” Parlamentario Arthur Dowers a declara.