fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 A benta oportunidad afo pa trata ley di LTU cu mas seriedad y mas eficiencia

Parlamento ayera mainta a trata e ley di LTU  despues di no a haya suficiente tempo pa pasa dor di e ley aki, mirando su importancia pa cu desaroyonan cu tin riba nos isla, Parlamenario Robert Candelaria di fraccion di AVP a mustra.

“Ta di lamenta cu parlamento a haya e ley di LTU a wordo presenta fin di siman pasa y un siman despues den oranan tempran di mainta di diamars, nos ta tratando e ley aki.

Bo ta mira cu ta un ley cu nos no a haya tempo pa studia esaki, analisa esaki den un forma mas profundo hunto cu nos partnernan, hunto cu stakeholdernan pa asina percura pa pasa un ley cu ta contene tur cos.

Esaki ta importante pa motibo cu nos tur cu ta bibando na Aruba sa cu e situacion pa cu ilegalidad ta hopi delicado caminda tur dia por tende di hendenan cu ta purbando di drenta cu boto pero tambe cu arma, cu droga y awor cu nos ta hayando un oportunidad asina tremendo pa nos pasa un ley cu ta tene cuenta cu tur factor y tur aspecto di ilegalidad, nos ta haya un ley cu nos tin cu pusha y pasa hopi lihe den parlamento sin cu a trata esaki den un forma drechi.

Motibo di esaki ta cu tin presion di Hulanda pa algun aspecto cu nan ta haya necesario pa pasa e ley prome cu dia prome un di december.

Mi ta kere cu esaki no ta corecto, pueblo di Aruba no merece esaki y no sigur di tur señalnan cu nos ta haya di comunidad, ta asina importante pa nos trata e ley aki pa asina duna e sentido di siguridad mas grandi pa mustra cu nos ta dunando nos autoridadnan policial, di inmigracion tur autoridad necesario pa nan por haci e control riba nos frontera.

Tambe tur esunnan cu a kedando den forma  ilegal riba nos isla, na luga cu nos haci esaki bon y nos haci uzo di e oportunidad aki pa cera tur e buraconan, nos ta pushando un ley asina lihe, siendo cu esaki no tabata necesario.

Mi a kere cu loke minister a papia den pasado cu e kier a bin c’un ley holistico, cu ta nifica un ley cu ta traha cu tur otro ministerio, por ehempel si tin mester di trahadonan pa bin Aruba, ki sorto di trahado tin mester, ki sorto di educacion kier pa nan tin, ki sorto di background, cuanto hende, pa cuanto tempo.

Tur esaki ta discusionnan cu nos mester a hinca, por ehempel e aspecto di matrimonio ficticio, e discusion cu tin pa algun tempo caba si mester a bin c’un bestaandsminimum si of no, cuanto e entrada aki ta, si a opta pa un bestaandsminimum, nada di esaki nos por mira bek den e ley aki.

E presion ta keda mesun cos, e preocupacion a keda mesun cos, e hendenan cu a drenta sin papel na nos costanan pero tambe pa esunnan cu a drenta den un forma cu ta parce legal na aeropuerto y na waf pero cu despues no ta bay bek nan pais, e grupo aki ta sigui crece.

Mi ta haya cu ta di lamenta cu nos a haya un oportunidad  na momento di trata e ley aki pa bin cu ley cu ta ekipa nos autoridadnan cu e  autoridadnan cu nan tin mester di dje pa asina tambe nos percura un liña di maneho cla pa esunnan cu ta pidi un permiso y tambe pa esunnan cu tin cu traha riba e permisonan, nos ta laga e oportunidad aki pasa bay, djis pa presion di Hulanda.’

Mi a di opinion cu Parlamento mester respeta su mes y mester trata di e tipo di leynan aki cu suficiente tempo, cu trankilidad pa di e forma aki nos bin cu leynan cu berdaderamente nos pueblo merece,” Parlamentario Robert Candelaria a splica.